Hewlêr (Rûdaw) - Li parêzgeha Rihayê ya Bakurê Kurdistanê ji ber ku demeke dirêj elektrîk hat birîn, welatiyan nerazîbûn nîşan da.
Şêniyên gundê Kisasê yê Rihayê şeva borî li meydana gund civiyan û ji bo protestokirina rewşê agir pê xist.
Welatî dibêjin ku demeke dirêj e elektrîka wan tune û di vê zivistanê de nikarin xwe germ bikin û pêdiviyên xwe yên bingehîn bi cih bînin.
Gundiyan ji vê rewşê Şirketa Elektrîkê ya Dicleyê (DEDAŞ) berpirsyar dît.
Welatiyan her wiha xwest ku pirsgirêka wan were çareserkirin û diyar kir, heta ku daxwaza wan bi cih neyê ew dê çalakiyên xwe bidomînin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse