Hewlêr (Rûdaw) - Li navçeyên Licê û Hênê yên Ameda Bakurê Kurdistanê agir bi daristanan ket û tîmên agirvemirandinê hewl didin agir vemirînin.
Li gundê Gomêçê ya Hênê û li Deşta Fîsê ya Licê li daristanên ku darên mazî lê hene agir derketiye.
Li ser agahdarkirinê, tîmên AFAD, cendirme, agirvemirandinê û Birêvebiriya Daristanan a Amedê ji bo herêmê hatin şandin.
Li gorî zanyariyên Nûçegihanê Rûdawê Abdulselam Akincî, ji Birêvebiriya Daristanan 30 karmend û 5 wesayîtên agirvemirandinê û her wiha tîmên agirvemirandinê yên hinek şaredariyan hewl didin agirê li Deşta Fîsê vemirînin.
Her wiha li gorî zanyariyan tîm ji bo ku agir negihîje gund û cî û warên niştecihan xebatên xwe didomînin.
Li aliyê din, hat zanîn ku li ser metirsiya valakirina gund û mezrayan, 3 wesayîtên lêgerîn û rizgarkirinê û 12 karmendên lêgerîn û rizgarkirinê yên AFADê jî ber bi herêmê ve hatine şandin.
#VÎDEO - Li Deşta Fîsê ya Licê agirekî mezin bi daristanê ketiye
— RudawKurdi (@RudawKurdi) August 15, 2025
Hevkarê me Abdulselam Akinci li cihê şewatê ye û zanyariyan dide pic.twitter.com/W1bpv3Z9eu
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse