Îro Deriyê Hacî Omeran bo geştyariyê tê girtin

Hewlêr (Rûdaw) - Îro deriyê Sînor ye Hacî Omeran ji bo çûn û hatina geştyaran tê girtin

Beşa Ragihandin û Peywendiyên Deriyê Sînor yê Hacî Omeran ragihand, ku ew ji aliyê Îranê ve hatine agadarkirin ku hikûmeta Îranê biryar daye îro piştî nîvro saet di 2yan de deriyê sînorî yê Hacî Omeran ji bo geştyarî bo dema du heftiyan tê girtin.

Serperiştyarê Komelgeha Gumrika Hacî Omeran, Mesûd Batêlî ji Rûdawê re ragihand, ku tenê ew kesên ku xwediyê pasporta Iraqî û niha li Rojhilatê Kurdistanê û Îranê ne dikarin çûn û hatinê bikin.

Herwiha ew kesên xwediyê pasporta Îranê ne û li Başûrê Kurdistan û Iraqê ne, dikarin vegerin.

Berî niha serperiştyarê Komelgeha Deriyê Navdewletî yê Perwîzxan jî ji Rûdawê re ragihandibû, li ser biryara parêzgeha Kirmaşanê deriyê sînorî hatiye girtin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger