Hewlêr (Rûdaw) - Li navçeya Qamuşanê ya parêzgeha Qersê ya Bakurê Kurdistanê agir bi garaja şaredariyê ket, 4 otomobîl şewitîn û zerarên madî çêbûn.
Derengiya şeva borî li navçeya Qamuşanê ya Qersê, ji ber sedemeke nediyar agir bi garaja girtî ya şaredariyê ket.
Piştî demekê agir ji aliyê welatiyan û tîmên Parastina Sivîlan ve hat vemirandin.
Di encamê de du otobusên rêwiyan, otomobîleke avêtina gilaşan û otomobîla veguhastina cenazeyan şewitîn.
Di garajê de zererên madî çêbûn. Tîman li cihê bûyerê dest bi lêkolînê kirin da ku bizanin agir ji ber çi bi garajê ketiye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse