Li Bokanê Festîvala Hespên Kurdî hat lidarxistin

Hewlêr (Rûdaw) - Li bajarê Bokanê yê Rojhilatê Kurdistanê Festîvala 5emîn a Hespên Resen ên Kurdî bi beşdariya 34 hespan hat lidarxistin.

Xwediyên hespan zêdetir ji parêzgehên Urmiye, Sine, Kirmaşan, Îlam û Hemedanê beşdar bûn û hejmareke kêm ji wan jin bûn.

Yek ji armancên lidarxistina festîvalê parastina hespên resen ên Kurdî bû.

Hespên resen ên Kurdî bi serî, stû, çav, dûv û lingên xwe ji nijadên din cuda dibin û bi hêza xwe navdar in.

Di demên berê de ji bo karên dijwar û di şeran de hatine bikaranîn.

Hespê Kurdî yek ji hespên herî resen, xweragir û jêhatî ye.

Sê cureyên wê yên sereke hene ku wekî Caf, Efşarî û Sencawî tên naskirin.

Hespên Kurdî li Kurdistanê û gelek herêmên din ên cîhanê tên xwedîkirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger