Hewlêr (Rûdaw) - Wezîrê Karên Derve yê Îranê Ebas Eraqçî bang kir ku aloziya di navbera Pakistan û Hindistanê de were kêmkirin.
Eraqçî ji bo kêmkirina aloziya di navbera Pakistan û Hindistanê û gotûbêjkirina pêwendiyên dualî çû Îslamabada paytexta Pakistanê û li wir ji televîzyona dewletê ya Îranê re daxuyanî axivî.
Eraqçî da zanîn ku ew dê bi rayedarên payebilind ên Pakistanê re mijarên herêmî binirxîne û got:
"Em hewl didin ku hevkariya Îran û Pakistanê bînin ser rêyeke çêtir."
“Rê nedin ku rewş zêdetir aloztir bibe”
Eraqçî diyar kir ku rewşa herêmê ji bo Îranê girîng e û li pey çû:
"Em bang dikin ku aloziya di navbera Hindistan û Pakistanê de were kêmkirin.
Em bang li hemû aliyan dikin ku aramiyê nîşan bidin û rê nedin ku rewş zêdetir aloztir bibe."
Eraqçî piştî Pakistanê dê here Hindistanê jî.
Dema dawiyê aloziya di navbera Hindistan û Pakistanê gurtir bûye û îhtimala ku ew dest bi şerekî mezin bikin li rojevê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse