Hewlêr (Rûdaw) - Komîsyona Bilind a Serbixwe ya Hilbijartinan a Îraqê li Bexdayê encamên fermî yên hilbijartinên Parlamentoya Îraqê eşkere kirin.
Hilbijartinên Parlamentoya Îraqê 11ê Çiriya Paşîn hatin kirin.
Komîsyona Bilind a Serbixwe ya Hilbijartinan a Îraqê ragihand ku rêjeya beşdariya giştî ya hilbijartinên Parlamentoya Îraqê ji sedî 56,11 e.
Li gorî encamên ku hatin eşkerekirin, Hevpeymaniya Binesazî û Bipêşketinê ya bi serokatiya Serokwezîrê Îraqê Mihemed Şiya Sûdanî herî zêde deng standin û bû yekem.
Partiya Demokrat a Kurdistanê (PDK) jî bi derbaskirina milyonek dengî, li Herêma Kurdistanê bû partiya yekem.
Komîsyona Bilind a Serbixwe ya Hilbijartinan a Îraqê, encamên fermîn yên hilbijartinên Parlamentoya Îraqê di civîneke rojnamegeriyê de li Bexdayê eşkere kirin.
Komîsyona Bilind a Serbixwe ya Hilbijartinan a Îraqê Dadwer Omer Ehmed ragihand ku pêvajoya hilbijartinê li gorî standardên navneteweyî bi rê ve çûye.
Dadwer Omer Ehmed her wiha da zanîn ku deriyê îtirazê ji bo aliyên siyasî vekiriye.
Li Bexdaya paytexta Îraqê Hevpeymaniya Binesazî û Bipêşketinê ya bi serokatiya Sûdanî bû yekem, Partiya Teqedûmê ya Serokê berê yê Parlamentoya Îraqê Mihemed Helbûsî bû duyem û Hevpeymaniya Dewleta Qanûnê ya Serokwezîrê berê yê Îraqê Nûrî Malikî jî bû sêyem.
Sûdanî li parêzgehên Necef û Kerbelayê jî di rêza yekem de cih girt.
Li Mûsil, Hewlêr û Dihokê PDK bû yekem
Li Mûsilê, Partiya Demokrat a Kurdistanê (PDK) piraniya dengan stand û bû partiya yekem.
PDKyê li Hewlêr û Dihokê jî piraniya dengan stand û bû partiya yekem.
Yekîtiya Niştimanî ya Kurdistanê (YNK) li Silêmaniyê bû yekem û li Hewlêrê jî bû partiya duyem.
Belavbûna parlamenteran li hinek parêzgehan wiha ye:
Hewlêr (16 parlamenter )
PDK: 9 parlamenter
YNK: 3 parlamenter
Helwesta Niştimanî: 2 parlamenter
Tevgera Nifşê Nû: 1 parlamenter
Kotaya Xiristiyanan Kaldo Remzî Hormuz Şabo Ogna: 1 parlamenter
Dihok (12 parlamenter)
PDK: 9 parlamenter
Yekgirtûya Îslamî ya Kurdistanê: 2 parlamenter
Samî Oşana Gorgîs Enwiya (Kota Mesîhî): 1 parlamenter
Silêmanî (18 Parlamenter)
YNK: 8 parlamenter
Helwest: 3 parlamenter
Nifşê Nû: 2 parlamenter
PDK: 2 parlamenter
Yekgirtûya Îslamî ya Kurdistanê: 2 parlamenter
Kerkûk (13 Parlamenter)
YNK: 4 parlamenter
Teqedûm: 3 parlamenter
Eniya Tirkmenî ya Îraqê: 2 parlamenter
PDK: 1 parlamenter
Mûsil (34 Parlamenter)
PDK: 5 parlamenter
Teqedûm: 4 parlamenter
Hevpeymaniya Avakirin û Pêşketinê: 4 parlamenter
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse