Hewlêr (Rûdaw) - Wezîrê Karên Derve yê Fransayê Jean-Noel Barrot piştî rûxîna desthilata Beşar Esed cara duyem çû Şama paytexta Sûriyeyê kir.
Jean-Noel Barrot di vê serdanê de tekezî li ser piştgiriya welatê xwe ya ji bo bicihanîna temam a peymana di navbera Hêzên Sûriyeya Demokratîk (HSD) û hikûmeta veguhêz a Sûriyeyê de kir.
Barrot ragihand ku parastina ewlehiya Fransayê bi têkbirina terorê ya li herêmê ve girêdayî ye.
Wezîrê Fransiz diyar kir ku Parîs û Serokkomarê Fransayê ji bo dîtina çareseriya siyasî ya aloziyan roleke sereke lîstine.
Wezîrê Karên Derve yê Fransayê Jean-Noel Barrot got:
"Niha ku dewleta Sûriyeyê kontrola hemû axa xwe kiriye, ez hatime ku li gel rayedaran li ser rêyên berdewamiya şerê li dijî DAIŞê dan û standinan bikim."
Jean-Noel Barrot bal kişand ser girîngiya bicihanîna temam a peymana 29ê Kanûna Paşîn.
Li gorî vê peymanê, divê hêz û îdareya Kurdan di nav hêzên ewlehiyê û dezgehên dewletê de cih bigirin.
Jean-Noel Barrot anî ziman:
"Pêwîst e biryarnameya serokatiyê ya ji bo naskirina mafên ziman, çand û perwerdeyê ya Kurdan were bicihanîn."
Barrot her wiha da zanîn ku divê berpirsên Kurd di nav dezgehên dewletê de werin diyarkirin, lîwayên HSDyê werin perwerdekirin û koçber vegerin cihên xwe.
Wezîrê Karên Derve yê Fransayê li Hewlêrê bi serkirdeyên Kurdan re dicive.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse