Hewlêr (Rûdaw) - Rêxistina Stenbolê ya Partiya Wekhevî û Demokrasiyê ya Gelan (DEM Partî) ragihand ku ew dê roja yekşemê ji bo perwerdeya bi zimanê Kurdî û statuya zimanê Kurdî xwenîşandanekê li dar bixin.
Slogan: "Werin em ji bo zimanê xwe yê dayikê bimeşin"
Li gorî daxuyaniya DEM Partiyê, çalakî dê roja sibe saet 17:00an li Îstasyona Yenikapi ya Marmarayê bi slogana “Werin em ji bo zimanê xwe yê dayikê bimeşin” were lidarxistin.
"Ji bo rakirina astengiyan û aştiyeke mayînde"
Di daxuyaniyê de ev bangewazî hat kirin, “Kes nikare zimanê dayikê asteng bike. Ji bo rakirina astengiyan, ji bo perwerdeya bi Kurdî û statuya Kurdî, ji bo parastina hebûn û nasnameya xwe; ji bo avakirina civakeke demokratîk a pirreng û pirdeng; ji bo aştiyeke mayînde, werin em ji bo zimanê xwe yê dayikê bimeşin.”
Omer Ocalan jî beşdar dibe
Hat ragihandin ku Parlamenterê DEM Partiyê yê Rihayê Omer Ocalan jî dê beşdarî çalakiyê bibe.
Roja duşemê dê li Tirkiye û Bakurê Kurdistanê perwerde dest pê bike lê bi milyonan xwendekarên Kurd ji xwendina bi zimanê dayikê bêpar in.
Ji bo perwerdeya bi kurdî û statuya kurdî,
— DEM Parti İstanbul (@dempartistanbul) September 5, 2025
Ji bo parastina hebûn û nasnameya xwe;
Ji bo avakirina civakeke demokratîk a pirreng û pirdeng;
Ji bo aştiyeke mayînde;
WERIN EM JI BO ZIMANÊ XWE YÊ DAYIKÊ BIMEŞIN!
🗓️ 7'ê Îlonê Yekşem
⏰ 17.00
📌 Îstasyona Yenikapî a Marmarayê pic.twitter.com/guH1RvZ5sU
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse