Şaşiyek çêbû. Tika ye paşê dîsa hewl bide.
Parlamenterê DEM Partiyê Mehmet Ruştî Tîryakî / Wêne û vîdeo: Rûdaw
Enqere (Rûdaw) - DEM Partiyê ji aliyên siyasî xwest ku komîsyona ji bo pêvajoya nû di demeke nêzîk de were damezrandin.
DEM Partiyê di roja duyemîn a cejnê de piraniya partiyên Parlamentoya Tirkiyeyê pêşwazî kirin.
Di dema seredanan de babeta herî germ a gotûbêjan avakirina komisyona hevbeş a ji pêvajoya nû ya li Tirkiye û Bakurê Kurdistanê bû.
“Cejin demên aramî, aştî û biratiyê ne”
Parlamenterê AK Partiyê Resul Kurt got:
“Em cejna hemû welatiyên xwe û alema Îslamê pîroz dikin. Cejn demên aramî, aştî û biratiyê ne.
Înşellah em dê vê cejnê di nav aştî, aramî û biratiyê de pêşwazî bikin.”
DEM Partiyê di vê cejnê de ji bilî MHP û AK Partiyê, di heman demê de Partiya Saadetê, Partiya DEVAyê, Partiya Paşerojê û Partiya Yenîden Refahê pêşwazî kirin.
Alîkarê Serokê Partiya Paşerojê Rumî Bekîroglu got:
Em wekî nûnerên Partiya Paşerojê li vir in. Em cejna hemû welatiyên xwe pîroz dikin.
Em bi hêviya dostanî, yekîtî û biratiyê pîrozbahiyê cejnê dikin.”
Di seredanên pîrozbahiyên cejnê de yek ji babeta sereke mijara avakirina komisyoneke hevbeş a li parlamentoyê bû.
DEM Partiyê di pîrozbahiyên cejnê de careke din ji aliyên siyasî xwest ku komîsyon di demeke nêzîk de were damezrandin.
“Pêwîst e ku karê damezirandina komisyonê bê kirin”
Parlamenterê DEM Partiyê Mehmet Ruştî Tîryakî jî got:
“Pêwîst e ku karê damezirandina komisyonê bê kirin. Peyama Serokê Parlamentoyê Numan Kurtulmuş jî ew bû.
Hêviya me ew e ku ew dê piştî cejnê biçe serdana partiyan.
Ew dê partiyên komên wan li parlementoyê hene û yên nîne jî ziyaret bike û dê ji bo avakirina komisyonê jî xebat bên meşandin.”
Partiya Komarî ya Gel (CHP) wekî partiya sereke ya mixalefetê du cejn in li navenda giştî ya partiyê pîrozbahiyê nake.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse