STENBOL - Di roja mirina Ataturk de govend gerandin: 2 kes hatin desteserkirin

Hewlêr (Rûdaw) - Li navçeya Maltepeyê ya Stenbolê, du karker bi hinceta ku di salvegera mirina Mustafa Kemal Ataturk de "bêrêzî" kiriye, hatin desteserkirin.

Di dîmenên ku li ser medyaya civakî hatin belavkirin de tê dîtin ku 10ê Çiriya Paşîn di dema lêdana sîrenan a ji bo bibîranîna Ataturk de, 2 karker li ser înşaetekê govendê digerînin.

Piştî belavbûna dîmenan, polîsan ew her du karkerên ciwan desteser kirin.

Hat zanîn ku kar û barên karkeran ên li birêvebiriya ewlehiyê didomin.

Li Tirkiye û Bakurê Kurdistanê her sal 10ê Çiriya Paşîn demjimêr 09:05an ji bo bibîranîna Mustafa Kemal Ataturk sîren lê didin û jiyan ji bo xulekekê radiweste.

Li hemû saziyên dewletê, dibistanan û li ser rêyan xelk ji bo rêzgirtinê radiweste.

#VÎDEO - Ji ber gerandina govendê ya di roja mirina Ataturk de hatin desteserkirin

🛑 Li navçeya Maltepeyê ya Stenbolê 2 karker bi hinceta ku wan di roja mirina Ataturk de govend gerandiye hatin desteserkirin

🛑 2 karker bi tohmeta bêrêziya li Ataturk hatin desteserkirin pic.twitter.com/4I3VKTJW04

— RudawKurdi (@RudawKurdi) November 13, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger