Şaşiyek çêbû. Tika ye paşê dîsa hewl bide.
Meşa HDPê ya ber bi Enqerê ve berdewam e
Enqere (Rûdaw) - Meşa Partiya Demokratîk a Gelan (HDP) a ber bi Enqerê ve berdewam e. HDP ji du aliyan ve ji Colemêrg û Edirnê ber bi Enqerê ve dimeşe, lê heta niha jî alî û grupên bi ser çepa Tirkiyê ve piştigiriya xwe ji bo HDP diyar nekirye. Piraniya aliyên çep û sosyalîst ji HDP ê daxwaz dikin ku ji nasnemaya Kurdan zêdetir giringiyê bi mijarên ked û demokrasiyê bide.
HDPê ji bo çareseriya meseleyên Tirkiyê û Bakurê Kurdistanê û protesto kirina zextên li ser endam û aligirên xwe meşek ji Colemergê û Edirne bi ber Enqerê ve da destpêkirin. HDP dixwaze piştgiriyê ji aliyên demokrat û çepgir û sosyalîst jî bistîne, lê heta niha jî aligirên partî û grubên navborî piştgiriya xwe ji bo HDP aşkere nekirine.
Aligirê Gruba Şoreşgerên Tirkiyê Can Pîr dibêje: “Di demeke wiha de ez vê meşê rast nabînim, provakasyonên ku dê rû bidin dê me paş de bibib û dê tenê kêrî AK Partiyê werin.”
Mizgîn keçekê Kurd e û xelkê Şirnexa Bakurê Kurdistanê ye û endama Partiya Kedkarên Sosyalîst e, êw û hevalên xwe amadekariya çalakiyekê dikin, lê çalakiya wan ne ji bo Kurdan tenê ji bo mafê sendîka û karkeran e. Li gorî vê keça Kurd û hevalên wê kêmasiyên HDP hene û çalakiya wan jî nagihe encamê.
Alîgira Partiya Kedkarên Sosyalîst ( SEP) Rozerîn Yildirim jî got: “Tekoşîna Kurdan li ser vê axê bi salane berdewam dike, meşa edaletê bêguman meşrû ye, lê pêwîst e em li destkevtan binêrin, ka gelo çi destkevtek heye? Pêwîst e ku kar û çalakî li gorî destkevtan bêne kirin. Em tekoşîn xwe li zer zemîneki din bikin baştir e.”
Alîgirê Partiya Kedkarên Sosyalîst Ugur Erkan Altin wiha behsa siyaset û armancên AK Partiyê dike: “Jixwe AKP dixwaze civakê weke Kurd û Tirk, elewî û sunî dabeş bike û desthilata xwe bimeşîne. Ji bo ku em hemû ji zilma AKPê xilas bibin, pêwîst e ku bingeha tekoşîna me nakokiya ked û sermayeyê be.”
Li Tirkiyê zêdetir ji deh partiyên çep û sosyalîst û komînst hene beşek ji wan partiyan di dema helbijartinên 7ê Hezîranê bi HDPê re ketibûn nava tifaqekê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse