Hewlêr (Rûdaw) - Serokê MHPyê Devlet Bahçelî got, “Îsraîl bi êrişa li Îranê dixwaze komkujiya Xezeyê bide jibîrkirin û pêvajoya Tirkiyeya bêteror têk bide.”
Bahçelî her wiha got, “Bombeyên ku diavêjin Tehranê bandorê li Enqereyê jî dikin.”
Serokê MHPyê Devlet Bahçelî piştî 5 mehan îro li civîna koma partiya xwe ya li parlamentoyê axivî.
Devlet Bahçelî di axaftina xwe de behsa şerê Îran û Îsraîlê û pêvajoya çareseriyê kir.
Bahçelî îdia kir ku Îsraîlê hiqûqa navdewletî bin pê kiriye û bûye “dewleteke terorîst.”
“Daxwaz û biryara me Tirkiyeya bêteror e”
Serokê MHPyê wiha got:
“Em li pey aramiya Tirkiyeyê ne. Armanca me Tirkiyeya xwedî hêza super e.
Em dixwazin sedsala Tirkiyeyê ava û geş bikin. Em hewl didin yekîtiya neteweyî û hevkariya xwe zêde bikin.
Daxwaz û biryara me Tirkiyeya bêteror e.
Eger ewlehiya welatê me bikeve metirsiyê, em bersiva pirsa `dê kî bikeve pêşiya me` baş dizanin.
Eger hebûna gelê min bikeve bin metirsiyê, em baş dizanin dê kî bibe garantiya nasnameya neteweyî, aramî û aştiyê.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse