Polonya: Em amade ne pêwendiyên xwe yên bi Herêma Kurdistanê re xurt bikin

Hewlêr (Rûdaw) - Wezîrê Karên Derve yê Polonyayê Radoslaw Sikorski ragihand ku ew amade ne pêwendiyên xwe yên bi Herêma Kurdistanê re xurt bikin.

Serokê Herêma Kurdistanê Nêçîrvan Barzanî di çarçoveya Konferansa Ewlehiyê ya Munîhê de bi Wezîrê Karên Derve yê Polonyayê Radoslaw Sikorski re civiya.

Li gorî daxuyaniya Serokatiya Herêma Kurdistanê, di civînê de bipêşxistina pêwendiyên Polonyayê yên bi Îraq û Herêma Kurdistanê re di warên cuda de hatin gotûbêjkirin.

Her du aliyan tekezî li ser girîngiya bihêzkirina hevkariya hevbeş kir, bi taybetî di wan warên ku xizmeta bipêşketina aborî û ewlehiyê dikin.

Amadebûna Polonyayê

Ji aliyê xwe ve, Radoslaw Sikorski pesnê rewşa Herêma Kurdistanê ya li navçeyê da.

Radoslaw Sikorski amadebûna welatê xwe ya ji bo bipêşxistina zêdetir a pêwendiyên bi Îraq û Herêma Kurdistanê re ducare kir.

Rûdanên dawî yên Rojhilata Navîn mijareke din a civînê bû.

#VÎDEO - Nêçîrvan Barzanî û Radoslaw Sikorski civiyan

Serokê Herêma Kurdistanê Nêçîrvan Barzanî bi Wezîrê Karên Derve yê Polonyayê Radoslaw Sikorski re civiya

Radoslaw Sikorski pesnê pêgeha Herêma Kurdistanê ya li Rojhilata Navîn da

💢 Konferansa Ewlehiyê ya Munîhê di roja xwe… pic.twitter.com/rwMjvDxkpm

— RudawKurdi (@RudawKurdi) February 14, 2026

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger