لەنێو تاران، جەنگ کاریگەری لەسەر ژیانی شارە نزیک 10 ملیۆن دانیشتووەکە هەیە، هەر دەنگی فڕۆکە بێ خەڵک دەترسێ، ئەندازیارێک لەژێر کورسییەکی باخچەیەکدا خۆی حەشار دەدات کاتێک فڕۆکە جەنگییەکان بەسەر سەریدا دەڕۆن و وەرزشوانێک بەهۆی دڵەڕاوکێوە ناتوانێت بخەوێت کاتێک گوێی لە دەنگی تەقینەوەکانە لەگەڵ بڕانی هێڵی ئینتەرنێت، خێزان و هاوڕێیان بۆ زانینی هەواڵەکانی جەنگ و دوایین زیانەکانی هێرشە ئاسمانییەکان، پشت بە یەکدی دەبەستن.
شیکارییەکی رۆژنامەی نیویۆرک تایمز پێشانی دەدات، لەوەتەی جەنگی ئەمریکا و ئیسرائیل دژی ئێران لە دوو هەفتە لەمەوبەرەوە دەستیپێکردووە، لانیکەم 16 تانکەری نەوت، کەشتیی بارهەڵگر و کەشتیی بازرگانیی دیکە لە کەنداو هێرشیان کراوەتە سەر.
24 کاژێری دیکە، جەنگی ئێران لەگەڵ ئەمریکا و ئیسرائیل هەفتەی دووەم تەواو دەکات و پێ دەنێتە هەفتەی سێیەم، هێشتا هێرشەکانی ئەمریکا بۆ سەر وڵاتانی کەنداو و ناوچەکە لە بەرزترین ئاستدایە، بەڵام سیستمەکانی بەرگری ئەو وڵاتانە بەرگری لە هێرشەکان دەکەن.
هاوشێوەی رۆژانی رابردوو وڵاتانی کەنداو رۆژی چوارشەممە 11-3-2026 رووبەڕووی درۆن و مووشەکەکانی ئێران بوونەوە، هەریەکە لە قەتەر، سعودیە، ئیمارات، کوێت، بەحرێن بە مووشەک و فڕۆکەی بێ فڕۆکەوان هێرشیان کرایەسەر
بڕیارە رۆژی چوارشەممە، کاژێر 13:30 بە کاتی تاران، تەرمی فەرماندە و بەرپرسانی ئێران ئەوانەی لە بۆردوومانەکانی ئیسرائیل و ئەمریکا کوژراون، بە خاک بسپێردرێن.
لە ماوەی 24 کاژێری رابردوودا، هێرشی ئێران بۆ سەر هەرێمی کوردستان، کەنداو و وڵاتانی ناوچەکە بەردەوام بوو، بەحرەین و ئیمارات و هەرێمی کوردستان بەرپەرچی زۆرترین هێرشی درۆنی و مووشەکییان داوەتەوە، نەبوونی نیازی دیپلۆماسیش مەترسیی ئەو هێرشانەی لە بەرزترین ئاستدا هێشتووەتەوە
لە ماوەی 48 کاژێری رابردوودا، کێڵگە نەوتیییەکانی ئێران ئامانجێکی دیاریکراوی ئیسرائیل و ئەمریکا بوون، جەنگی هەردوولا پێدەنێتە هەفتەی دووەمەوە و بۆردوومانی کێڵگە نەوتییەکانیش کاریگەریی دوورمەودای لەسەر ژینگە و ژیانی ئەو ناوچانە دەبێت کە کراونە ئامانج. شارەزایان هۆشداری دەدەن، بەهۆی فراوانبوونی جەنگەکەوە، بە زەحمەت دەتوانن چاودێریی ئەو کارەساتە ژینگەییانە بکەن کە روودەدەن
