دوو بەرپرسی ناوچەیی ئاگادار لە پێشنیازەکەی ئێران رۆژی دووشەممە 27-04-2026 رایانگەیاند، ئێران پێشنیازی کۆتاییهێنان بە داخستنی تەنگەی هورمز دەکات، بەبێ ئەوەی ئاماژە بە بەرنامە ئەتۆمییەکەی بکات. ئەوەش لە کاتێکدایە، وەزیری دەرەوەی ئەو وڵاتە لە رووسیایە و دەڵێت، سەردانەکەی دەرفەتێکە بۆ راوێژکردن لەگەڵ مۆسکۆ سەبارەت بە جەنگی دژی ئیسرائیل و ئەمریکا
وەزارەتی جەنگی ئەمریکا رۆژی سێشەممە 21-4-2026 رایگەیاند، هێزەکانی ئەمریکا چوونەتە سەر تانکەرێکی نەوت پێشتر بەهۆی قاچاخچییەتی نەوتی خاوی ئێران لە ئاسیا سزای بەسەردا سەپێنرابوو؛ ئەمەش لەکاتێکدایە واشنتن هۆشداری بۆ شوێنپێهەڵگرتنی ئەو کەشتییانە جێبەجێ دەکات پەیوەندییان بە تارانەوە هەیە.
ئاگربەستی نێوان ئەمریکا و ئێران لە دوایین ساتەکانیدایە و گەڕی دووەمی گفتوگۆی هەردوولاش هێشتا ناڕوونە، هەردوو وڵات هۆشدارییان داوە ئەگەر نەگەنە رێککەوتن، ئامادەن بۆ دەستپێکردنەوەی شەڕ.
پاکستان بەردەوامە لە ئامادەکارییەکانی بۆ دەستپێکردنی گەڕێکی نوێی گفتوگۆکان لەنێوان ئەمریکا و ئێران، ئەوەش کەمتر لە 48 کاژێر پێش کۆتاییهاتنی ئەو ئاگربەستەی لەنێوانیاندا هەیە، هەرچەندە سەرهەڵدانەوەی ئاڵۆزییەکان لە دەوروبەری تەنگەی هورمز پرسیاری لەسەر بەڕێوەچوونی کۆبوونەوەکە دروستکردووە
دابینکردنی ئەلەمنیۆم لە مەترسیدایە
وەڵام و هەڕەشەی ئەمریکا و ئێران لە یەکدی بەردەوامە؛ سوپای ئەمریکا کاتی دەستپێکردنی گەمارۆی دەریایی بۆ سەر سەرجەم بەندەرەکانی ئێران لە کەنداو راگەیاند. لە بەرامبەردا تاران دەڵێت، سەر بۆ هەڕەشەکان دانانەوێنن و هێزە دەریاییەکانیان لە ئامادەباشیدان.
پیتەر ماگیار، ئەو ناوەی ئێستا لە هەنگاریا و ئەورووپا بووەتە باسی گەرم، توانی لە هەڵبژاردنەکاندا گورزێکی کەمەرشکێن لە ڤیکتۆر ئۆربان، سەرۆکوەزیرانی ئەو وڵاتە بوەشێنێت. ماگیار لە رێگەی تووڕەیی خەڵک بەرامبەر بە گەندەڵی و سستیی گەشەی ئابووری، توانی هاوکێشەی سیاسی وڵاتەکەی بگۆڕێت.
لەکاتێکدا جەنگی ئەمریکا و ئیسرائیل لە دژی ئێران پێ دەنێتە رۆژی بیست و شەشەمین، دوایین زانیارییەکان باس لەوە دەکەن ویلایەتە یەکگرتووەکانی ئەمریکا و ئیسرائیل پارێزبەندییەکی کاتییان داوەتە دوو لە گەورە بەرپرسانی ئێرانی کە لە دانوستاندنەکانی راگرتنی جەنگدا بەشدارن.
لەنێو تاران، جەنگ کاریگەری لەسەر ژیانی شارە نزیک 10 ملیۆن دانیشتووەکە هەیە، هەر دەنگی فڕۆکە بێ خەڵک دەترسێ، ئەندازیارێک لەژێر کورسییەکی باخچەیەکدا خۆی حەشار دەدات کاتێک فڕۆکە جەنگییەکان بەسەر سەریدا دەڕۆن و وەرزشوانێک بەهۆی دڵەڕاوکێوە ناتوانێت بخەوێت کاتێک گوێی لە دەنگی تەقینەوەکانە لەگەڵ بڕانی هێڵی ئینتەرنێت، خێزان و هاوڕێیان بۆ زانینی هەواڵەکانی جەنگ و دوایین زیانەکانی هێرشە ئاسمانییەکان، پشت بە یەکدی دەبەستن.
