رەمزیە ئاڵپارسلان، هاوسەرۆکی کۆمەڵەی لێکۆڵینەوەی کوردی لە باکووری کوردستان هۆشدارییەکی تووند لەبارەی زمانی کوردی لەو پارچەیەی کوردستان دەدات و دەڵێ: "تاوەکو زمانی کوردی لە تورکیا و باکووری کوردستان نەچێتە نێو سیستمی پەروەردەوە، رزگاری نابێت."
گرووپەکانی سەر بە سوپای عەرەبیی سووریا رێگەیان نەدا کاروانی هاوکاریی مانگی سووری کوردی بچێتە ئەشرەفییە و شێخ مەقسوود و لە دێر حافر گەڕاندنیانەوە
بەرپرسی راگەیاندنی هێزەکانی ئاسایشی ناوخۆ، د. جگەر عەفرین لە سەنگەرەکانی شەڕەوە لە گەڕەکە کوردییەکانی حەلەب بۆ رووداو قسەی کرد و رایگەیاند؛ ئێمە لە هەموو لایەکەوە گەمارۆ دراوین و سوپای عەرەبیی سووریا لە چوار باسکەوە دەیەوێت بچێتە ناو گەڕەکەکانی شێخ مەقسوود، ئەشرەفیە و بەنی زەید.
سیاسەتڤانی باکوری کوردستان لە قامشلۆی رۆژئاوای کوردستان سەردانی ئەنجوومەنی نیشتیمانی کورد لە سووریا (ئەنەکەسە)ی کرد. لە کۆبوونەوەکەدا هەردوولا جەختیان لە پێویستیی پابەندبوون بە ئەنجامەکانی کۆنفرانسی یەکڕیزی و هەڵوێستی کورد کردەوە.
دایکی ئارین هەبوون، ئەو گەریلایەی کە بە دیمەنی چەکدانانەکەی لە رێوڕەسمی چەکسووتاندنی ژمارەیەک گەریلای پەکەکەدا تۆڕە کۆمەڵایەتییەکانی تەنی، دەڵێت، ئاواتەخوازە پرۆسەی چارەسەری سەربگرێت و کچەکەی بگەڕێتەوە لایان.
بڕیار بوو ئەمڕۆ هەسەدە و سوپای سووریا بەشێکی دیکەی دیلەکان ئاڵوگۆڕ بکەن، بەڵام ئازادکردنیان لە حەلەب دواخرا.
