گۆڕینی ئیدارەی ئەمریكا رەنگە مەترسیی گورزی سەربازیی ئەمریكای بۆ ئێران دوورخستبێتەوە، بەڵام سەبارەت بە ئیسرائیل دۆخەكە مەترسیدارتر دەكاتەوە و رەنگە ئەمریكاش بە شێوازێكی نەخوازراو پەلكێشی بەرگری لە ئیسرائیل ببێت
هیچ سەرۆكێكی ئەمریكا هێندەی ترەمپ بڕیاری شەخسی و تاكلایەنەی نەداوە، كە چانسی ئەوەشی هەبێت ئاسان و دروستیش بەسەریدا تێپەڕێت. هیچ سەرۆكێكی ئەمریكا و هیچ سەركردەیەكی جیهانی ئازاد هێندەی ترەمپ نەیتوانیوە بەبێ گەڕانەوە بۆ پەرلەمان و دەزگای دادی وڵات و تەنانەت راوێژكارەكانی خۆی، دەست بۆ دۆسیەی ئاڵۆز و مەترسیدار ببات و لەسەریشی نەكەوێت
قەیرانی سووریا خاڵێكی وەرچەرخانە لە دژایەتی و بەگژداچوونەكانی ئێران و ئیسرائیلدا. بەر لە سەرهەڵدانی قەیرانی سووریا و بێهەڵوێستیی ئەمریكای ئۆباما، مۆساد تەنیا لە رێگەی هێرشی سایبەریەوە هەوڵی لێدانی ئێرانی دەدا. بۆ نموونە ڤایرۆسێكی كۆمپیوتەریی بەهێز بەنێوی "ستاكس نێت" دامودەزگا ئەتۆمی و سەربازییەكانی ئێرانی كردە ئامانج و شارەزایانی هێرشی سایبەری ئەوكات رایانگەیاند ستاكسنێت هێندە پێكهاتەیەكی پێشكەوتوو و ئاڵۆزی هەیە كە مەحاڵە كاری گرووپێكی هاككەر یان كەسانی دڕ و شەڕئاشۆی وەک موجاهیدین و لایەنەكانی دیكەی سەر بە ئۆپۆزیسیۆنی ئێرانی بێت و بێگومان دەستی دەوڵەتێكی لەپشتە و قامكی ئاماژەكانیشیان زیاتر بەرەو ئیسرائیل بوون
"هەركات لە ئەمریكا كەسێكی لیبراڵ لەسەر حوكم بێت، ئەوا زەمینە بۆ هاتنەسەركاری كەسێكی تووندڕەو لە ئێران دەڕەخسێندرێت"
هەرچی سەبارەت بە ریفۆرمخوازان و كابینەی حەسەن رووحانیشە بایدنیان بەلاوە پەسەندە، تەنیا و تەنیا لەبەرئەوەی كە گەورەترین، تابۆشكێنانە و مێژووییترین دەستكەوتی دیپلۆماسی كە كابینەیەكی ئێران پاش شۆڕشی گەڵان بەدەستیهێنابێت، واتە رێكکەوتنی 5+1 لە فەنا و لەناوچوون دەپارێزێت.
