لە کاتێکدا بازاڕەکانی هەرێمی کوردستان لەوپەڕی خستنەڕووی بەرهەمەکاندایە، بەڵام دەستکەوتنی تەماتە وەک پێش جەنگ ئاسان نییە؛ نرخەکەی بە شێوەیەکی کتوپڕ هەڵکشاوە و هاوسەنگیی خەرجیی خێزانەکانی تێکداوە.
پۆلیسی سلێمانی گرتە ڤیدیۆیەکی ئەو شوێنە بڵاودەکاتەوە کە کچێکی تەمەن 26 ساڵانی لێ بەندکرابوو؛ کچەکە لە هەورەبانی ماڵی باوکی لە قەزای سەیدسادق دۆزراوەتەوە.
ماوەی 12 رۆژە لە گوندی بێستانسوور لە ناحیەی عەربەتی سەر بە پارێزگای سلێمانی، پێنج منداڵی دانیشتووی گوندەکە، کە تەمەنیان لە نێوان 9 بۆ 15 ساڵدایە، لە کاتی گەڕان بەدوای قارچکدا لە دەشتەکانی دەوروبەری گوندەکە، 194سکەی زیویان دۆزیوەتەوە.
لە سنووری پارێزگای هەڵەبجە رووبەڕووبوونەوەی لەنێوان تیمێکی بەڕیوەبەرایەتیی ئۆپەراسیۆنەکانی ئاسایشی سلێمانی و شانەیەکی نووستووی داعش روویداو و لە ئەنجامدا کارمەندێکی ئاسایش بریندار کرد و ئەمیرێکی داعشیش دەستگیرکرا.
ماڵی میوزیکیی زەهاوی بە سەرپەرشتیی هەژار زەهاوی، دەفژەنی ناسراوی کورد، بە بەشداریی هونەرمەندانی رۆژهەڵات و باشووری کوردستان کۆنسێرتێکی سازکرد، تێیدا میوزیک بووە زمانی گفتوگۆ و سارێژکردنی برینەکان.
لە هەڵەبجە تەرمی دایک و کچێکی لەنێو ماڵێکدا دۆزراونەتەوە. بەگوێرەی زانیارییەکانی پەیامنێری رووداو "لەلایەن هاوژینەکەیەوە کوژراوە."
ئاگرەکەی ناوچەی کۆکۆیی سنووری پارێزگای هەڵەبجە، زیانێکی زۆری بە ژینگە و کشتوکاڵی ناوچەکە گەیاندووە و بەرهەمی بنێشتی دەیان هاونیشتمانی و کرێکاری کردووەتە خۆڵەمێش، کە چاوەڕێی داهاتی ئەمساڵیان دەکرد.
دوو گەنجی خەڵکی هەڵەبجە لەکاتی مەلەکردن دا لە پۆندی پرێسی ناوچەی نەورۆڵی خنکان. تەرمی یەکێکیان دوای 6 کاژێر ئینجا دۆزرایەوە.
بەهۆی ساخنەبوونەوەی بەرهەمەکانیانەوە، بەشێک لە جووتیاران پەنایان بردووەتە بەر کارگەی دۆشاوی تەماتەی شارەزوور و بۆ هەر کیلۆیەک 150 دینار وەردەگرن.
