لە دوو رووداوی جیادا، سێ ئافرەتی کورد لە کاتی چوونیان بۆ ناوچەکانی ژێر دەسەڵاتی حکومەتی سووریا بێسەروشوێن بوونە، کە گومان دەکرێت لەلایەن گرووپە چەکدارەکانی سەر بە حکومەتی دیمەشق رفێندرابن، کەسوکار و چالاکڤانان داوای ئاشکراکردنی چارەنووسیان دەکەن.
دوای شەڕ و پێکدادانێکی چەکداری لەنێوان هێزەکانی ئاسایشی گشتی و گرووپی 'عەمشات'، گرژی و ئاڵۆزی باڵی بەسەر شارۆچکەی شیێی سەر بە عەفریندا کێشاوە.
هاوسەرۆکی ئەنجوومەنی جێبەجێکاری رەققە دەڵێت، ''ئەو دەنگۆیانەی باس لە رادەستکردنی شاری رەققە بە حکومەتی سووریا دەکەن راست نین. ریشسپی و سەرۆک هۆزەکانی پارێزگاکەش هیچ گفتوگۆیەکیان لەبارەی رادەستکردنی رەققە نەکردووە.''
بەشێک لە خەڵکی رەسەنی هەرێمی عەفرین داوای ئەوە دەکەن کە ناوچەکەیان بکرێتە پارێزگا و بۆ ئەو مەبەستەش ژمارەیەک کەسایەتیی عەفرین کار لەسەر دەستپێشخەرییەک دەکەن بۆ لێکۆڵینەوە لە هەموو لایەنە یاسایی، کارگێڕی، کۆمەڵایەتی و ئابوورییەکانی ئەو پرسە.
هاونیشتمانییەکی شاری عەفرینی رۆژئاوای کوردستان بە تۆڕی میدیایی رووداوی راگەیاند، ئەبو عەمشە، سەرکردەی عەمشات، کە یەکێکە لەو گرووپە چەکدارانەی عەفرینیان داگیرکردووە، بە خۆی و 15 چەکدارییەوە هێرشیان کردووەتە سەر هاونیشتمانییەک و ئەشکەنجەیان داوە.
رۆژی 10ـی ئازاری 2025، لە دیمەشقی پایتەختی سووریا، رێککەوتننامەیەک لە نێوان ئەحمەد شەرع، سەرۆکی سووریا و مەزڵووم عەبدی، فەرماندەی گشتیی هێزەکانی سووریای دیموکرات (هەسەدە)، مەزڵووم عەبدی، واژۆ کرا. دوای راگەیاندنی ناوەڕۆکی ئەو رێککەوتننامەیە کە لە 8 خاڵ پێکهاتبوو، چەندین بۆچوون، هەڵوێست و کاردانەوەی جیای لێکەوتەوە.
گوتەبێژی ئەنجوومەنی نیشتمانیی کورد لە سووریا (ئەنەکەسە) رایگەیاند، شاندێکی سەرکردایەتیی ئەنەکەسە لەگەڵ مەزڵووم عەبدی، فەرماندەی گشتیی هێزەکانی سووریای دیموکرات (هەسەدە) لە حەسەکە کۆبووەتەوە.
خالید جەمیل محەممەد خوێندنەوەی بۆ کتێبی (تقسيم كوردستان العثمانية الى دولتي سوريا و العراق - دابەشکردنی کوردستانی عوسمانی بەسەر هەردوو دەوڵەتی سووریا و عێراق دا) کردووە. ئەو دەڵێت، نووسەر کۆمەڵێک بیرۆکەی نوێی خستوونەتەڕوو کە پەیوەندییان بە میرنشینە کوردییەکان و سەربەخۆییانەوە هەیە، ئەوە وێڕای هێنانەبەرهەمی چەمکی (گەلانی پایەدار) کە "پێش شێوەگرتن و فۆرمولە بەراییەکانی دەوڵەت، هەبوونی کۆمەڵایەتی - ژیاریی خۆیان سەلماندووە".
