رووداو دیجیتاڵ
نرخی نەوت رۆژی سێشەممە زیاتر دابەزی و هێوربوونەوەی گرژییەکانی نێوان ئەمریکا و ئێران هۆکاری سەرەکی ئەو دابەزینەیە .
نرخی نەوتی برێنتی دەریای باکوور ئەمڕۆ سێشەممە 39 سەنت دابەزی و بە 65 دۆلار و 91 سەنت مامەڵەی پێوەکرا، هەروەها نرخی نەوتی سووکی تەکساسی ئەمریکاش 31 سەنت دابەزی و بەرمیلێکی بە 61 دۆلار و 83 سەنت مامەڵەی پێوەکرا.
رۆژی دووشەممە نرخەکانی نەوت بەرێژەی 4٪ دابەزین کاتێک دۆناڵد ترەمپ، سەرۆکی ئەمریکا پشتراستیکردەوە کە ئێران و ئەمریکا سەرقاڵی دانووستاندنن.
بەرپرسانی هەردوو وڵات رایانگەیاندووە رۆژی هەینی لە تورکیا دانوستاندنەکانیان دەستپێدەکەنەوە.
پریانکا ساجێدڤا، شرۆڤەکاری سەر بە کۆمپانیای راوێژکاری ( فلیپ نۆڤا) لەو بارەیەوە رایگەیاند، " بەرزبوونەوەی هەفتەی رابردووی نرخی نەوت لەبەر هەستی مەترسی کردن بە پێکدادانی نێوان ئێران و ئەمریکا بوو، بنەماکانی بازاڕی نەوت نەگۆڕدرابوو."
ئەو شرۆڤەکارە دەڵێت، " لەبەر ئەوەی گرژییەکان هێوربوونەتەوە، نرخی نەوت قازانجەکانی لەدەستداوە."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ