رووداو دیجیتاڵ
وەزارەتی دارایی و ئابووریی هەرێمی کوردستان دەڵێت، کۆتایی ئەم هەفتەیە دەست بە دابەشکردنی مووچەی مانگی ئادار دەکرێت و "بەر لە جەژنی رەمەزان مووچەی سەرجەم فەرمانبەران و خانەنشینان دابەش دەکرێت."
ئەمڕۆ سێشەممە، 04-04-2023، وەزارەتی دارایی و ئابووریی هەرێمی کوردستان رایگەیاند، رۆژی پێنجشەممە، 06-04-2023، دەست بە دابەشکردنی مووچەی مانگی ئادار دەکرێت. بەگوێرەی زانیارییەکانی رووداو، سبەی لیستی مووچە رادەگەیێندرێت.
بەگوێرەی زانیارییەکانی رووداو، خشتەکە بە جۆرێک دەبێت، کە پێش جەژنی رەمەزان دابەشکردنی مووچە کۆتایی دێت.
مانگی رابردوو رۆژی 6ـی شوباتی 2023، دەست بە دابەشکردنی مووچەی مانگی کانوونی دووەمی 2023 کرا.
لە هەرێمی کوردستان یەک ملیۆن و 251 هەزار و 451 مووچەخۆر هەن، 751 هەزار و 805 کەسیان فەرمانبەری سەربازی و شارستانین؛ 242 هەزار و 269 کەسیشیان خانەنشینن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ