ئابووری
بەشی تەکنۆلۆجیای ریلایەنس کە بە "جیۆ ئینفۆ کۆم " دەناسرێت، لەراگەیێندراوێکدا رایگەیاندووە نرخی ئەو کۆمپانیایە بە 66 ملیار دۆلار خەمڵێنراوە
رووداو - هەولێر
کۆمپانیای فەیسبووک رایگەیاند 10٪ی پشکەکانی گرووپی کۆمپانیاکانی ریلایەنس جیۆی هیندستانی بە پێنج ملیار و 700 ملیۆن دۆلار کڕیوە.
کۆمپانیای فەیسبووک بە نیازە بە پەرەپێدانی ئەپلیکەیشنی واتسئەپ، بتوانێت لەو رێگەیە مامەڵە داراییەکان و بژاردن و حەواڵەی پارەی پێبکات و مەبەست لە کڕینی بەشی تەکنۆلۆژیای کۆمپانیا هیندییەکە ئەوەیە کە برەو بە بژاردنی ئەلیکترۆنی بدات.
وەبەرهێنان و کڕینی 10٪ی پشکەکانی گرووپی کۆمپانیاکانی ریلایەنس جیۆ هاوکات دەبێتە هۆکار بۆ ئەوەی قەبارەی قەرزەکانی ئەو گرووپە دابەزێت و رەوشی دارایی خۆی رێکوپێک بکات.
بەشی تەکنۆلۆجیای ریلایەنس کە بە "جیۆ ئینفۆ کۆم " دەناسرێت، لەراگەیێندراوێکدا رایگەیاندووە نرخی ئەو کۆمپانیایە بە 66 ملیار دۆلار خەمڵێنراوە.
واتسئەپ سەرقاڵی وەرگرتنی مۆڵەتە لە هیندستان بۆ ئەوەی دەست بە دامەزراندی سیستمی بژاردنی ئەلیکترۆنی بکات.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ