ژانری فیلمەکە نهێنی و چێژبەخشە.
رووداو دیجیتاڵ
لەسیتی سینەمای شاری سلێمانی، فیلمی سینەمایی کوردی (هیچ) نمایش کرا. تێیدا بینەران بە فیلمێکی دیکەی کوردی پرۆفیشناڵ ئاشنا بوون و رەخنە و تێبینی و دەستخۆشیشیان لەوانە کرد کە رۆڵیان تێدا گێراوە.
ئاری عەبدوڵڵا یەکێکە لە ئەکتەرانی فیلمەکە و دەڵێت، "یەکەمجارم بوو رۆڵ بگێرم، خۆشبوو، ویستمان دەوڵەمەند بوون بوو لە فیلمەکە بەڵام هیچمان بەدەستهێنا."
ژیان ئیبراهیم خەیات، ئەکتەرێکی دیکەیە و لە فیلمەکەدا رۆڵی گێڕاوە و دەڵێت، "زۆر قورس بوو دەوری دایکیک ببینم کە چەند منداڵێکی جیاوازی هەبوو، بەڵام رۆڵگێران چێژێکی زیاتری پێدام."
فیلمی (هیچ) باس لە چیرۆکێکی نەگێڕدراوەی هەڵەبجە و نەهامەتییەکانی ئەو شارە دەکات و بە ئاستێکی بەرزی تەکنیکی و سەردەمیانە کاری بەرهەمهێنانی بۆ کراوە.
فیلمەکە لە ژانری نهێنی و چێژبەخشە، لە رۆژی نمایشی تایبەت هۆڵەکانی سیتی سینەمای سلێمانی پڕ لە بینەر کرد.
بێسان وشیار، بینەری فیلمەکەیە و لەبارەی فیلمەکەوە باس لەوە دەکات، "زۆر جیاواز و خۆشبوو فیلمەکە، بەڕاستی چێژم لێ بینی."
رێمەن شەوکەوت، یەکێکی دیکە بوو لە بینەرانی فیلمەکە و لەبارەیەوە دەڵێت، "فیلمێکی جوان و تایبەتی کوردی بوو، داواکارم بینەر بێن سەیر بکەن و پاڵپشت بن."
فیلمی سینەمایی هیچ، لە دەرهێنانی دیاکۆ بایزە و ژمارەیەک هونەرمەندی ناودار و بە ئەزموونی کوردستان رۆڵیان تێیدا گێڕاوە. فیلمەکە لە یەکەم رۆژی جەژن و رۆژەکانی دواتر لە سینەماکانی کوردستان نمایش دەکرێت و جارێکی دیکە شاشەی سینەماکانی کوردستان بە فلمێکی کوردی دەگەشێنێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ