پۆستەری سروودی "وڵات"
رووداو دیجیتاڵ
بە بەشداری شەش هونەرمەندی چوار پارچەی کوردستان، بەرهەمێکی نوێ بەناوی "وڵات" بڵاوکرایەوە، لە تێکستی ئەدیب چەلکی و ئاواز و دابەشکردنی هەڵکەوت زاهیرە.
هونەرمەند هەڵکەوت زاهیر بە رووداوی راگەیاند، سروودەکە لە ئەرمینیا تۆمارکراوە و هونەرمەندانی بەشداربوو، بە کرمانجی، سۆرانی، زازاکی، هەورامی و لوڕی سروودەکە دەڵێنەوە.
ئاماژەی بۆ ئەوەشکرد، بەرهەمەکە باس لە کوردستان دەکات و هونەرمەندانی چوار پارچەی کوردستان تێدا بەشدارن.
هەڵکەوت زاهیر سوپاسی وەزارەتی رۆشنبیری و لاوانی حکومەتی هەرێمی کوردستان و فەرهەنگ غەفوور، بەڕێوەبەری گشتی رۆشنبیری و هونەری هەولێری کرد بۆ دابینکردنی هۆڵی رۆشنبیری هەولیر بۆ وێنەگرتنی بەرهەمەکەیان.
میرا عەلی، لەمیا جەمال، عەدنان تەیمور، شیرینا خانی، ئیلادە مەتین، بڕوا ئەرسەلان و لۆران محەممەد لە گوتنەوەی سروودەکەدا بەشدارن.
ڤیدیۆکلیپی سروودی "وڵات" لە دەرهێنانی رەیان شێلازییە و لە کەناڵی تایبەتی هەڵکەوت زاهیر لە یوتیوب بڵاوکرایەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ