جاندا ساڵح، خانمی پسپۆڕی جوانکارییە و خەڵکی قامشلۆی رۆژئاوای کوردسانە
رووداو دیجیتاڵ
جاندا ساڵح، خانمی پسپۆڕی جوانکارییە باسی ترێندە نوێکانی جوانکاری لە ساڵی 2023 دا دەکات.
دەستپێکی ساڵی تازەیە و زۆر کەس دەیەوێت بزانێت ترێندە نوێکانی بواری جوانکاری چین. بەتایبەتیش لە ئەڵمانیا و ئەوروپا کە نێوەندی جوانکارین.
جاندا میوانی دیاسپۆرا بوو و لەبارەی ترێندە نوێیەکانی جوانکاری بۆ ساڵی 2023 گوتی "ئەمساڵ ترێندەکان جیاوازن، بەتایبەتی باوی دانانی گلێتەرە بۆ چاو، هەروەها رەنگی قاوەیش بۆ مەیکئەپ و جلوبەرگ."
جاندا خەڵکی شاری قامشلۆی رۆژئاوای کوردستانە و ماوەی هەشت ساڵە لە شاری هانۆڤەر لە ئەڵمانیا دەژی و لەوێ کاری مەیکئەپ دەکات و دەڵێت: "من مەیکئەپ ئارتیستم و کارەکەی خۆشم زۆر خۆشدەوێت و هەمیشە هەوڵی فێربوونی زیاتر دەدەم و گوتیشی "لێرە کاری جۆراوجۆری مەیکئەپ دەکەم بە ئامێری نوێ و جیاواز."
جاندا فێربوونی مەیکئەپ بە ئاسان نازانێت و دەڵێت "کاری مەیکئەپ زۆر فراوان بووە، بۆیە ئەو کەسەی بیەوێت ببێتە مایکئەپ ئارتیست دەبێت بخوێنێت ئینجا فێردەبێت، چونکە ساڵانە ترێندی نوێی مەیکئەپ دەردەچن."
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ