رووداو دیجیتاڵ
تۆڕی نێتفلێکس بڕیاری دووبارە بەرهەمهێنانی فیلمی ترسناکی "Cujo"ـی داوە، چیرۆکەکەی لە رۆمانێکی ستیڤن کینگ وەرگیراوە و لە 1981 نووسراوە.
چیرۆکی فیلمەکە باس لە دایک و منداڵێک دەکات کە لە نێو ئۆتۆمبێلێکدا گیریان خواردەوە و خۆیان لە سەگێکی هار دەپارێزن.
رۆی لی، سەرپەرشتی بەرهەمهێنانی فیلمەکە دەکات، پێشتر کاری بەرهەمهێنانی بۆ فیلمی "Barbarian" کردووە، بەڵام تاوەکو ئێستا ناوی دەرهێنەر و ئەکتەرەکانی فیلمەکە ئاشکرا نەکراون.
بۆ یەکەمجار فیلمی "Cujo" لە 1983 بڵاوکراوەتەوە و پێشوازییەکی بەرچاوی لێکرا.
کۆمپانیاکانی بەرهەمهێنانی هونەری، چاویان لەسەر رۆمانەکانی ستیڤن کینگ، رۆماننووسی ئەمریکییە، تاوەکو ئێستا ژمارەیەکی زۆر لە رۆمانەکانی کراونەتە فیلم، لەوانەش فیلمی "Carrie"، "The Shining"، "Shawshank Redemption" و "Stand By Me".
لە شوباتی 2025، ستۆدیۆی بەرهەمهێنانی سینەمایی نیۆن، بەرهەمهێنانی فیلمی ترسناکی "The Monkey" دەستپێکرد و چیرۆکەکەی لە رۆمانێکی کینگ وەرگیراوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ