ئەزرا مێلەر، ئەکتەری ئەمریکی لە پێشاندانی نوێترین فیلمی -
رووداو دیجیتاڵ
ئەزرا مێلەر، ئەکتەری ئەمریکی لە پێشاندانی نوێترین فیلمی لە لۆس ئەنجلسی ئەمریکا ئامادەبوو، ئەمەش ئامادەکارییەکە بۆ پێشاندانی ئەم بەرهەمە لە سینەماکانی ئەمریکا و جیهاندا.
فیلمەکە بەناوی 'The Flash'یە و لە دەرهێنانی ئەندی موسکیتییە و و جگە لە ئەزرا مێلەر، هەریەک لە بێن ئافلێک و مایکل کیتۆن رۆڵی سەرەکی تێدا دەگێڕن.
لە پێشاندانی تایبەتی فیلمەکەدا، بێن ئافلێک لەگەڵ هاوژینەکەی جێنیفەر لۆپێز، ئەکتەر و گۆرانیبێژی ئەمریکی ئامادەبوو.
ئەمە یەکەم دەرکەوتنی مێلەرە لە دوای ئەوەی لە هاوینی رابردوو، بە هۆی رەفتاری ناڕێکەوە خرایە ژێر چارەسەری دەروونییەوە.
ئەزرا مێلەر، ئەکتەر لە کاتی پێشاندانی فیلمەکەی رایگەیاند: "ئەوە شانازییەکی گەورەیە و خۆشییەکی گەورەیە و شتێکی لەڕادەبەدەر ورووژێنەرە. بەڕاستی ئەوە ساتێکی جوانە بۆ من. زۆر نایاب و سەرنجڕاکێشە هەمووان ببینم و ساتێکیان هەبێت بۆ ئاهەنگگێڕان لەبارەی فیلمەکەوە".
ئەو ئەکتەرە پێشتر بە تاوانی دزیکردن لە شاری ستامفۆرد تۆمەتبارکرابوو، هەروەها دووجار لە هاوایی، بە تۆمەتی دەستدرێژی پلە دوو و بەهۆی هەڵسوکەوتی ناڕێک دەستگیرکرابوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ