رووداو دیجیتاڵ
براین کرنستن، ئەکتەری ئەمریکی کە پێشتر لە زنجیرەی "Breaking Bad" رۆڵیگێڕاوە، رایگەیاند، ئامادە نییە بگەڕێتەوە بۆ تەواوکردنی وێنەگرتنی فیلمی نوێی "Lone Wolf" و بەشداری لە بانگەشەکردنیشیدا ناکات، تاوەکو ئەو کاتەی تەواوی کرێ و پارەی کاست و ستافی فیلمەکە دەدرێت.
بەرهەمهێنانی فیلمەکە چەند مانگێکە بەهۆی کێشەی داراییەوە وەستاوە، کە بە نزیکەی دوو ملیۆن دۆلار کورتهێنانی هەیە. بەهۆی ئەمەوە، کرێی هەفتەی کۆتایی کارکردنی ستاف و هەندێک لە ئەکتەرەکان نەدراوە.
لە پەیامێکدا، کرنستن کە خۆی پارەی کارەکانی وەرگرتووە، رایگەیاند: "زۆر نیگەرانم کە ئەم دۆخە بووەتە هۆی ئەم هەموو ناخۆشی و بێمتمانەییە."
جەختیشی کردەوە: "نە من و نە ئەکتەری سەرەکیی دیکەی فیلمەکە، لیلی گلادستن، ناگەڕێینەوە سەر کار و هیچ بانگەشەیەک بۆ فیلمەکە ناکەین تاوەکو هەموو کەسێک پارەکەی بە تەواوی وەردەگرێتەوە. بەڕاستی دۆخێکی شێواوە."
فیلمی "Lone Wolf" لە دەرهێنانی مارک پێلینگتۆنە و چیرۆکێکی هەواڵگریی ئاڵۆز دەگێڕێتەوە. لە فیلمەکەدا، لیلی گلادستن رۆڵی سەربازێکی دێرین دەبینێت کە لەلایەن کارەکتەرەکەی کرانستنەوە بۆ ئۆپەراسیۆنێکی نهێنی بەکاردەهێنرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ