رووداو دیجیتاڵ
سەیف عەلی خان، یەکێک لە ئەستێرەکانی سینەمای بۆلیوودە، لە ماڵەکەی خۆیدا کەسێک هێرشی کردووەتە سەری و شەش چەقۆی لێداوە و بریندار بووە، ئێستا لە نەخۆشخانەیە و چارەسەر وەردەگرێت.
رووداوەکە بەرەبەیانی ئەمڕۆ پێنجشەممە 16ـی کانوونی دووەمی 2025 لە ماڵەکەیدا لە ناوچەی باندرا لە شاری مۆمبای هیندستان روویداوە، دوو برینی قوڵن، یەکێکیان لە نزیک بڕبڕەی پشتییەتی و بەهۆیەوە نەشتەرگەری بە پەلەی بۆ کراوە و مەترسی لەسەر ژیانی نەماوە.
بەپێی راپۆرتە سەرەتاییەکان، کەسێک کە ناسنامەکەی ئاشکرا نییە، چووەتە نێو ماڵی ئەو ئەستێرەیە و رووبەڕووبوونەوە لە نێوانیاندا دروستبووە و بەشێک لە ئەندامانی خێزانەکەی لە ماڵ بوونە.
پۆلیسی مۆمبای زانیارییەکانی پشتراستکردووەتەوە و دەڵێت، لێکۆڵینەوەی چڕ دەستپێدەکەن بۆ دەستگیرکردنی تاوانبارەکە.
سەیف عەلی خان، لە 16ـی ئابی 1970 لە هیندستان لەدایکبووە، لە چەندین فیلمی سینەماییدا رۆڵی سەرەکی گێڕاوە و دامەزرێنەر و خاوەنی کۆمپانیای "Illuminati Films"یە، هاوژینی کارینا کاپوور، ئەستێرەی سینەمای بۆلیوودە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ