رووداو دیجیتاڵ
"The Odyssey" نوێترین فیلمی کریستۆفەر نۆلان، دەرهێنەری بەریتانییە، بڕیارە لە 2026 لە سینەماکانی جیهان پێشانبدرێت و لە ئێستاوە بلیتی بینینی فیلمەکە لە سینەما بەردەستە.
فیلمەکە لە 17ـی تەمموزی 2026 لە سینەماکانی جیهاندا پێشاندەدرێت، واتە فرۆشتنی بلیتەکانی یەک ساڵ بەر لە پێشاندانی دەفرۆشرێن.
ناوەڕۆکی فیلمەکە لە هۆنراوەی "The Odyssey"ـی هۆمیرۆس، شاعیری گریک وەرگیراوە. باس لە ئۆدیسێوس پاشای ئیتەکا و گەشتە مەترسیدارەکەی بۆ نیشتمان دەکات لە دوای جەنگی ترۆی، هەروەها مژاری پاڵەوانیەتی، دڵسۆزی، فێڵبازی و خەبات دەخاتەڕوو.
فیلمەکە لە بەرهەمهێنانی یۆنیڤێرساڵ پیکچەرە و ئەو کۆمپانیایە بە "داستانێکی ئەفسانەیی" ناساندووە و بە تەکنیکی ئای ماکسی وێنە دەگیرێت.
بەشێک لە دیمەنەکانی زنجیرەکە لە دوورگەی فاڤینانا لە ئیتاڵیا وێنە دەگیرێت.
لەم بەرهەمەدا جگە لە مات دەیمەن، هەریەک لە تۆم هۆلاند، زندێیا، ئێن هاسوەی، لوپیتا نیۆنگۆ، چارلز سیرۆن و رۆبێرت پاتنسن رۆڵدەگێڕن.
بەم دواییە نوێترین وێنەی دەیمن لە کاتی وێنەگرتنی فیلمەکە بڵاوکرایەوە.
بڕیاربوو دەیمەن لە فیلمی "Animals" رۆڵبگێڕیت، بەڵام بەهۆی بەشداربوونی لە فیلمی "The Odyssey"، دەستبەرداری رۆڵگێڕان بوو لەو فیلمەدا، لە بری ئەو، بێن ئافلێک رۆڵەکەی دەگێڕێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ