رووداو دیجیتاڵ
لە 78ـەمین فێستیڤاڵی نێودەوڵەتیی فیلمی کان، خەڵاتی چڵەخورمای زێڕینی فێستیڤاڵ بەخشرایە دێنزڵ واشنتن، وەک رێز لە تەمەنێک بەخششی هونەری.
هەرچەند ئەمساڵ خەڵاتی رێزلێنانی فێستیڤاڵ بە رۆبێرت دی نیرۆ، ئەکتەری ئەمریکی بەخشرا، بەڵام رێکخەرانی فێستیڤاڵ لە خولی ئەمساڵدا واشنتنیان سوپرایز کرد و خەڵاتەکەیان پێ بەخشی.
دینزڵ واشنتن، بۆ پێشاندانی نوێترین فیلمی بەناوی "Highest 2 Lowest" لە دەرهێنانی سپایک لی، دەرهێنەری ئەمریکی، لە دەرەوەی پێشبڕکێی فێستیڤاڵی کان، لە فێستیڤاڵەکەدا ئامادەبوو.
خەڵاتەکە رۆژی دووشەممە 19ـی ئایاری 2025 لە کۆشکی فێستیڤاڵەکان لە شاری کانی فەرەنسا و لەلایەن سپایک لی، بە واشنتن بەخشرا.
واشنتن، یەکێک لە ئەکتەرە دیارەکانی ئەمریکا و جیهانە، براوەی دوو خەڵاتی ئۆسکارە.
چالاکییەکانی فێستیڤاڵی فیلمی کان شەوی سێشەممە 13ـی ئایاری 2025، بە پێشاندانی فیلمی "Leave One Day" لە شاری کانی فەرەنسا دەستیپێکرد و تاوەکو 24ـی مانگ بەردەوام دەبێت.
.jpg "دێنزڵ واشنتن لەگەڵ سپایک لی لە فێستیڤاڵی کان. وێنەی: AFP")
.jpg "دێنزڵ واشنتن لەگەڵ سپایک لی لە فێستیڤاڵی کان. وێنەی: AFP")
.jpg "بەخشینی خەڵاتی چڵەخورمای زیڕین بە دێنزڵ واشنتن. وێنەی: AFP")
.jpg "دێنزڵ واشنتن لە دوای خەڵاتکردنی لە فێستیڤاڵی فیلمی کان. وێنەی: AFP")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ