رووداو دیجیتاڵ
هونەرمەند رابەر کوردستانی، نوێترین بەرهەمی بەناوی "بارانە" بڵاودەکاتەوە کە لە گوندی پاڵنگانی هەورامانی رۆژهەڵاتی کوردستان وێنەگیراوە.
رابەر کوردستانی، بە رووداوی راگەیاند، بەرهەمی "بارانە" ئەمساڵ لە گوندی پاڵنگانی هەورامان لە کاتی بەڕێوەچوونی رێوڕەسمی هەزار دەف وێنەگیراوە، تێیدا زیاتر لە هەزار دەفژەن بەشدارن.
ئاماژەی بۆ ئەوەشکرد، جگە لە گوندی پاڵنگان، بەشێکی دیکەی ڤیدیۆکلیپەکە لە باشووری کوردستان وێنەگیراوە. گوتیشی، بەرهەمەکە پێشکێش بە رۆحی هونەرمەند دەرویش عەبدوڵڵا دەکات.
ڤیدیۆکلیپەکە لە دەرهێنانی کاروان رەحمانە، گرووپی دەفژەنانی پاڵنگان و سروە عوسمان وەک ئەکتەر تێیدا بەشدارن.
گۆرانییەکە لە تێکست و ئاوازی هونەرمەند دەروێش عەبدوڵڵایە، تێکستی دەستپێکی لەلایەن عەبدوڵڵا گۆران نووسراوە، پەرویز مەندوومی، سەرپەرشتی ئۆرکێسترای ئامێرە ریتمییەکانی کردووە.
بڕیارە ئەم بەرهەمە کاژێر 18:00ـی ئەمڕۆ پێنجشەممە 24ـی نیسانی 2025 بڵاوبکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ