رووداو دیجیتاڵ
لە نیویۆرکی ئەمریکا، رێوڕەسمی پێشاندانی فیلمی نوێی ئاکشن و کۆمیدی "Heads of State" بە ئامادەبوونی ئەستێرە دیارەکانی؛ جۆن سینا، ئیدریس ئالبا و پریانکا چۆپرا بەڕێوەچوو.
چیرۆکی فیلمەکە باس لە دوو سەرکردەی ناکۆک دەکات، سەرۆکی ئەمریکا کە جۆن سینا رۆڵی دەگێڕێت و سەرۆکوەزیرانی بەریتانیا کە ئیدریس ئالبا نواندن بۆ کارەکتەرەکەی دەکات، ناچار دەبن ناکۆکییەکانیان وەلاوەنێن و پێکەوە کاربکەن کاتێک دەبنە ئامانجی دوژمنێکی کوشندە.
پریانکا چۆپرا لە نێو چیرۆکی فیلمەکەدا، رۆڵی سیخوڕێکی بەریتانی (MI6) دەبینێت کە یارمەتییان دەدات بۆ راگرتنی پیلانگێڕییەکی جیهانی.
جۆن سینا لەبارەی کارەکتەرەکەیەوە رایگەیاند: "کارەکتەرەکەم، ویڵ دێریج، کەسایەتییەکە هەمووان خۆشیان دەوێت، بەڵام کەلەڕەقە و پێی وایە پێویستی بە دیپلۆماسییەت نییە. زۆر ئەرێنییە و گرنگی بە رای خەڵک دەدات."
پریانکا چۆپرا، کە لە فیلمەکەدا دیمەنی ئەکشن و کۆمیدی ئاوێتە دەکات، گوتی: "پێم وا نییە من کەسێکی کۆمیدیم، بەڵام لەگەڵ هاوکارە گاڵتەجاڕەکانم و دەرهێنەرەکەمان، ئەستەم بوو کۆمیدی نەبیت."
پێشاندانی فیلمەکە بەرەبەیانی ئەمڕۆ چوارشەممە 25ـی حوزەیرانی 2025 بەڕێوەچوو، جگە لە ستافی فیلمەکە، ژمارەیەک هونەرمەند بانگهێشتی پێشاندانەکە کرابوون.
فیلمەکە لە دەرهێنانی ئیلیا نایشولەرە و بڕیارە لە 2ـی تەمموزی 2025 لە رێگەی پلاتفۆرمی "پرایم ڤیدیۆ"ـوە بڵاوبکرێتەوە.
.jpg "پریانکا چۆپرا لە پێشاندانی فیلمەکە لە نیویۆرک. وێنە؛ AFP")
.jpg "ئیدریس ئالبا لە پێشاندانی فیلمەکە لە نیویۆرک. وێنە؛ AFP")
.jpg "بەشێک لە ستافی فیلمەکە لە پێشاندانی تایبەتی فیلمەکە لە نیویۆرک. وێنە؛ AFP")
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ