ئەلیکساندەر سکارسگارد، ئەکتەری سوێدی
رووداو دیجیتال
لە نیویۆرکی ئەمریکا، پێشاندانی تایبەتی زنجیرەی "Murderbot" بەڕێوەچوو و بەشێک لە ستافی بەرهەمەکە ئامادەبوون.
زنجیرەکە لە ژانری خەیاڵی زانستییە و رووداوەکان لە چوارچێوەی کۆمێدیایەکی رەش دەخرێنەڕوو، ناوەڕۆکەکەی لە زنجیرە رۆمانی مارسا ویڵز وەرگیراوە.
ئەلیکساندەر سکارسگارد، ئەکتەری سوێدی، رۆڵی سەرەکی لە زنجیرەکەدا دەگێڕێت و لە پێشاندانە تایبەتەکەدا ئامادەبوو.
سکارسگارد جگە لە رۆڵگێڕان، بەرهەمهێنەرەی جێبەجێکاری بەرهەمەکەیە و رایگەیاند: "نازانم رۆڵەکەم بە باشی گێڕاوە یاخود نا، بەڵام نواندنێکی سەرنجڕاکێش بوو. کارەکتەرێکی تەواو جیاواز بوو لەوانەی پێشتر رۆڵیانم گێڕاوە. کەسایەتییەکی گاڵتەئامێزی زۆر وشکی هەیە، ئەمەش چێژ بەخش بوو".
بڕیارە زنجیرەی "Murderbot"، لە 17ـی ئایاری 2025 لە ئەپڵ تیڤی بڵاوبکرێتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ