کاتی بەخشینی سویچی ئۆتۆمبێلە خەڵاتەکە بە براوەکە.
رووداو - تەندروستی
گەیلان عوسمانی 30 ساڵان دانیشتووی گوندی لاجانە لە هەولێر. کاتێک لە کلینیکی ئەنتیتۆباکۆ بۆی دەرکەوت تەمەنی سییەکانی 10 ساڵ لە خۆی گەورەترن کۆتایی بە تووتن هێنا و بە تەواوی وازی لە جگەرەکێشان هێنا.
گەیلان عوسمان دەڵێت: لە ساڵی 2013 لە دەستپێکی شەڕی داعش دەستم بە جگەرەکێشان کرد، وامزانی خەمەکانم پێ کەم دەکاتەوە، بەڵام لە تەندروستیم کەم بووەوە.
لە چوارەمین خولی ئەنتیتۆباکۆ، دوو هەزار و 889 کەس بە سەرکەوتوویی وازیان لە تووتن هێنا بۆ بەدەستهێنانی ئۆتۆمبێلی شێری سەراب؛ ناوی 100 کەسیان چووە نێو تیروپشکەوە.
یوسف سیروان، مێردمنداڵێکی بەشداربووە کە تەمەنی 14 ساڵە و دەڵێت: 6 ساڵە جگەرە دەکێشێت، بەڵام بە تەواوی لەگەڵ ئەنتیتۆباکۆ وازی لێهێنا.
د. ئاراس برادۆستی، سەرپەرشتیاری گشتیی پڕۆژەی ئەنتیتۆباکۆ دەڵێت: پیرۆزبایی لە بەشداربووان دەکەم، پیرۆزبایی لەو هاونیشتمانییانە دەکەم کە ئەگەر بە شوێن پێی سەرکەوتووەکانی ئەنتیتۆباکۆدا بڕۆن و واز لە جگەرەکێشان بهێنن.
لەساڵی 2017 تاوەکو ئەمساڵ نزیکەی 55 هەزار کەس بەشداریان لە کەمپینی ئەنتیتۆباکۆ کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ