هەڵەیەک روویدا! دووبارە هەوڵبدە
رووداو - تەندروستی
لە جەزائیر خانمە پەرستارێک ڤیدیۆی خۆی لەکاتی ئێشکگریدا بڵاو کردووەتەوە کە مردوویەک دەپێچێتەوە. لەبەر ئەم هۆیەش بەرپرسانی تەندروستیی جەزائیر بە تووندی سەرکۆنەی کارەکەی دەکەن و کارگێڕیی نەخۆشخانەکە پەرستارەکە دووردەخاتەوە.
ئەو پەرستارە لە پەڕەی تیکتۆکێکدا ڤیدیۆکەی بڵاوکردووەتەوە و لە بەشی چاودێریی چڕی نەخۆشخانەی سەلیم زمیرلی لە جەزائیر بووە. تەنانەت بەشێکی جەستەی مردووەکەش دیارە.
تەندروستیی جەزائیر هاتووەتە دەنگ و دەڵێت: ''ئەوە پێشێلکردنی مافی مردووەکەیە و پیرۆزیی پیشەی پزیشکی پێشلێکراوە، لێکۆڵینەوە لە کەسی پەیوەندیدار دەکەین''. چالاکڤانانی وڵاتەکەش دەڵێن، ئێستا کەسانی سۆشیاڵ میدیاکان هەموو شتێک دەکەن بۆ ئەوەی بینەریان زیاد بێت، بەبێ گوێدان بە بەها کۆمەڵایەتی و مرۆڤایەتییەکان.
کارگێڕیی نەخۆشخانەکەش رایگەیاندووە، ئەو پەرستارە لە کارەکەی دووردەخرێتەوە تاوەکو بڕیاری وەزارەتی تەندروستی و ئەنجامی کۆتایی لێکۆڵینەوەکان دەردەچن.
ئەو پەرستارەش پەیامێکی خۆی بڵاوکردووەتەوە کە مەبەستەکەی تەنیا هۆشیاری و پەروەردەیی بووە و لە پەیجێکی بچووکدا بڵاوی کردووەتەوە، پاشان لە پەیجی دیکە بڵاوکراوەتەوە و داوای لێبووردنیشی لەو بارەیەوە کردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ