هەڵەیەک روویدا! دووبارە هەوڵبدە
رووداو - تەندروستی
بەڕێوەبەرایەتیی گشتیی تەندروستیی سۆران رایدەگەیێنێت، پزیشکێکی پسپۆڕیان سزا داوە کە پابەندی دەوامەکەی نەبووە و ئێشکگری نەکردووە. (گواستوویانەتەوە بۆ زاخۆ).
تەندروستیی سۆران بە نووسراوێک سزاکەی رەوانەی وەزارەتی تەندروستی کردووە و وەزارەتەکەش بە فەرمانێک سزای بەسەر د. (خ. س. پ) پسپۆڕی نەشتەرگەرییەکانی مێشک و بڕبڕەی پشت جێبەجێکردووە.
بەپێی نووسراوی وەزارەتی تەندروستی، ئەو پزیشکە لە نەخۆشخانەی گشتیی فێرکاریی سۆرانەوە گوازراوەتەوە بۆ سەر میلاکی بەڕێوەبەرایەتیی گشتیی تەندروستیی زاخۆ.
ئەمڕۆ چوارشەممە 1-10-2025 د. کامەران محەممەد، بەڕێوەبەری گشتیی تەندروستیی سۆران بە رووداوی راگەیاند، دووجار لەسەر یەک پزیشکەکە پابەندی ئێشکگرییەکەی نەبووە و دوای سزادانی مادی و ئاگادارکردنەوە، لە پێشێلکارییەکەی هەر بەردەوام بووە.
د. کامەران گوتیشی، پێنج پزیشكی دیکەی هەمان پسپۆڕی لە نەخۆشخانەکە هەن و بەردەوامن لە دەوام کردن.
بەپێی تەندروستیی سۆران، چەندانجار هاونیشتمانییان سکاڵایان لەسەر نەبوونی پزیشکی ئێشکگر تۆمار کراوە، ئەوانیش رژدن لەوەی هاونیشتمانییان هەر کەموکورتییەکیان بینی، پەیوەندی بە بەڕێوەبەرایەتییەوە بکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ