هەڵەیەک روویدا! دووبارە هەوڵبدە
رووداو - تەندروستی
پسپۆڕێکی نەخۆشی و گەشەی منداڵان چەند سوودێکی شیری دایک باس دەکات و ئاماژە بەوە دەکات، جگە لە بەها خۆراکییەکانی، شیرپێدانی سرووشتی پەیوەندییەکی سۆزداریی پتەو لەنێوان دایک و کۆرپەکە دروست دەکات.
د. لاولاو فارووق زادە، پسپۆڕی نەخۆشی و گەشەی منداڵان دەڵێت: بەرکەوتنی پێست بە پێست و سەیرکردنی چاو لەکاتی شیرپێدان پەیوەندیی نێوان دایک و کۆرپە بەهێز دەکات و دەتوانێت گوشاری دەروونی کەم بکاتەوە.
هەر بۆیە ئەو پسپۆڕە ئەم سوودانەی خوارەوەی شیری دایک روون دەکاتەوە؛
1- بەهای خۆراکیی تەواوى تێدایە؛ پڕۆتین، چەوری، کاربۆهیدرات، ڤیتامین و کانزاکانی تێدایە کە پێویستن بۆ گەشەکردنی منداڵ و گەشەکردنی مێشک.
2- بەرگریی جەستە بەرز دەکاتەوە؛ پڕە لە دژەتەن بەتایبەت IgA کە یارمەتیی پاراستنی منداڵ دەدات لە هەوکردنەکانی 'سکچوون و نەخۆشی کۆئەندامی هەناسەدان و هەوکردنی گوێ'.
3- پاڵپشتیی گەشەکردنی مێشک دەکات؛ ترشە چەورییە بنەڕەتییەکانی وەک DHA لەخۆدەگرێت کە بۆ گەشەکردنی مێشک زۆر بەسوودن.
4- دەرمانێکی کاتییە بۆ کۆرپە؛ شیری دایک بە پێی تەندروستیی دایک و کۆرپە پێکهاتەکەی دەگۆڕێت بۆ نموونە شیر لەکاتی نەخۆشیدا خانەکانی بەرگری زیاتری تێدایە.
5- پەیوەندیی سۆزداری پتەو دەکات؛ بەرکەوتنی پێست بە پێست و سەیرکردنی چاو لەکاتی شیرپێدان پەیوەندیی نێوان دایک و کۆرپە بەهێز دەکات و دەتوانێت گوشاری دەروونی کەم بکاتەوە.
6- کەمتێچووە لەڕووی لایەنی ئابوورییەوە؛ بەخۆڕاییە بەراورد بە شیری قوتوو، کە لەوانەیە گران بێت
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ