هەڵەیەک روویدا! دووبارە هەوڵبدە
رووداو - تەندروستی
لە نەخۆشخانەی لەدایکبوون و منداڵانی سۆرانی فێرکاری دووگیانبوون لە دەرەوەی منداڵدان ژیانی خانمێک دەخاتە مەترسییەوە، ''ئەندامەکانی زاوزێ و هەناوی بەیەکەوە نووسابوون''.
ئەمڕۆ سێشەممە 2-12-2025 د. ناز محەممەد، پسپۆڕی نەخۆشییەکانی خانمان و منداڵبوون کە سەرپەرشتیی نەخۆشەکەی کردووە بە رووداوی راگەیاند، ئەو خانمەی وایلێهاتبوو تەمەنی 37 ساڵ بوو و دوو منداڵی بە نەشتەرگەری لەدایکبووبوو، تەمەنەکەی و رابردووی لەگەڵ نەشتەرگەریی منداڵبوون وایکردبوو کە لەدەرەوەی منداڵدان دووگیانییەکەی دروستببێت و تووشی بەیەکەوە نووسانی ئەندامەکانی جەستەی ببێت.
د. ناز محەممەد دەڵێت: چەند هۆکارێک هەن کە ئەگەری تووشبوون بە دووگیانبوون لە دەرەوەی ملی منداڵدان زیاتر دەکەن وەکو (هەوکردن، زۆریی تەمەن، دەرمانی منداڵبوون و جگەرەکێشان یاخود بەرکەوتن بە دووکەڵی جگەرە و نێرگەلە).
بەگوتەی د. ناز، ئەو خانمە 37 ساڵە ئازاری هەبووە و بەهۆیەوە چووەتە نەخۆشخانە، لەوێش دوات پشکنین دەرکەوتووە، دووگیانبوونی دەرەوەی منداڵدانی هەیە، ''زۆرجاریش ئەو جۆرە دووگیانبوونە بە لەبارچوون کۆتایی دێت''. پاشان بڕیاری نەشتەرگەرییان بۆ داوە و دوو کاژێری خایاندووە.
کارگێڕیی نەخۆشخانەکە رایگەیاند، 30ـی 11 نەشتەرگەرییەکە کراوە و ئەو خانمە تەندروستە، ئێستا رەوانەی ماڵەوە کراوەتەوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ