هەڵەیەک روویدا! دووبارە هەوڵبدە
دکتۆر لونا خالید - د. عەتیە حەمەسەعید.
رووداو - تەندروستی
د. عەتیە حەمەسەعید، راوێژکاری نەخۆشی و نەشتەرگەرییەکانی خانمان و منداڵبوون زۆریی نەشتەرگەرییەکانی منداڵبوون بە ''ئەنفال'' ناودەبات و دەڵێت: پێویستە وەزارەتی تەندروستی بێتە دەنگ.
پڕۆفیسۆر عەتیە حەمەسەعید، پسپۆڕی نەخۆشی و نەشتەرگەرییەکانی خانمان و منداڵبوون رایدەگەیێنێت: زۆرجار منداڵ خستنەنێو شووشە لەدوای لەدایکبوون پێویست نییە و بۆ ئەوەش بەسەرهاتێک دەگێڕێتەوە کە خۆی منداڵێکی تەندروستی لەنێو سکی دایکیدا دەرهێناوە، بەڵام بە داوای پزیشکێکی دیکە، خستوویانەتە نێوشووشە و گیانی لەدەستداوە.
بەگوتەی پڕۆفیسۆر عەتیە حەمەسەعید، نەشتەرگەریی منداڵبوون شیری دایک کەم دەکاتەوە و کۆرپە بێبەش دەکات لە شیرپێدانی سرووشتی.
لەبارەی شیری قوتووەوە هۆشداری دەداتە دایکان و گوتی، ''شیری قوتوو کار لە خانەی پەنکریاسی منداڵ دەکات و ناهێڵێت ئەنسۆلین دروست بکات، بەمەش منداڵەکە هەر لە منداڵییەوە تووشی شەکرە دەبێت''، هەروەها شیری دایک پاکە و چەندان مادەی تێدایە کە لە شیری قوتوودا نییە.
ئەنسۆلین: هۆرمۆنێکە لە پەنکریاس بەرهەمدێت و فەرمانی هاوسەنگکردنی شەکری خوێنە، بە نەبوونی یاخود کەم دەردانی؛ کەسەکە شەکری خوێنی بەرز دەبێتەوە و رەنگە تووشی شەکرە بێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ