لەکاتی چاوپێکەوتنەکەی نێوان هیوا جەمال و پسپۆڕەکەی ژینگە.
رووداو - تەندروستی
پسپۆڕێکی ژینگە و مامۆستای زانکۆی کوردستان رایدەگەیێنێت، گۆڕانکاریی کەشوهەوا بەجۆرێکە کە نزیکین لە وشکساڵی و کەمبوونەوەی خۆراک.
ئەمڕۆ پێنجشەممە 6-2-2025 د. عومەر ئەحمەد، مامۆستای زانکۆی کوردستان و پسپۆڕی ژینگە لە بەرنامەی ''رۆژی هیوا جەمال''دا رایگەیاند، کەمبوونەوەی بارانبارین و گەرمبوونی زستان هێمای سەرەکین بۆ گۆڕانی کەشوهەوا.
بەگوتەی د. عومەر ئەحمەد، گەرمبوونی زەوی نزیکە لەوەی کە 2 پلەی سیلیزی زیادببێت، ئەمەش دەبێتەهۆی کەمبوونەوەی باران و وشکەساڵی، پاشانیش کەمبوونەوەی خۆراک و ئاوی خواردنەوەی بەدواوەدێت.
جەیمس هانسن، گەورەزانای کەشوهەوا توێژینەوەیەکی ئەنجامداوە و دەڵێت بەهۆی دەردانی گازە گەرمخانەییەکان پلەی گەرمیی بەرگەهەوای زەویی لەوە زیاتر بەرزدەبێتەوە کە بیرمان لێدەکردەوە.
ھانسن توێژینەوەکەی لەگەڵ کۆمەڵێک زانای دیکەی هاوڕێی کردووە و دەڵێن، ئەوەی نەتەوەیەکگرتووەکان سیناریۆی بۆ دانابوو کە گەرمبوونی بەرگەهەوای زەوی تاوەکو 2100 لەخوار دوو پلەوە بمێنێتەوە، سیناریۆیەکی مردووە.
بەگوێرەی پێشبینیی هانسن و هاورێکانی، زیادبوونی پلەی گەرمیی زەوی تاوەکو ساڵی 2045 نزیکبێتەوە بۆ دوو پلەی سیلیزی و دواتر بەرەو زیادبوون دەڕوات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ