هەڵەیەک روویدا! دووبارە هەوڵبدە
رووداو - تەندروستی
سەرۆکی سەنتەری نەخۆشییە گوازراوەکان لە وەزارەتی تەندروستیی ئێران تاتووکردنی بە مەترسییەکی جیدی دانا بۆ گواستنەوە و بڵاوبوونەوەی ئەیدز و ئێستا خەڵکانێکی زۆری وڵاتەکە رووی تێدەکەن.
قوباد موڕادی، سەرۆکی سەنتەری نەخۆشییە گوازراوەکان لە وەزارەتی تەندروستیی ئێران رایگەیاند، ئەگەر تاتووکردن بە بێ رەچاوکردنی مەرج و بنەما تەندروستییەکان بکرێت، ئەوا شوێنێکی سەرەکی دەبێت بۆ گواستنەوە و تووشبوون بە ڤایرۆسە مەترسیدارەکانی نێو خوێن بەتایبەت (ڤایرۆسی هەوکردنی جگەری جۆری B و C لەگەڵ ڤایرۆسی HIV کە دەبێتە هۆی ئەیدز).
بەپێی خەمڵاندنەکانی تەندروستیی ئێران، ئێستا نزیکەی 40 هەزار تووشبووی ڤایرۆسی ئەیدز هەن کە تەنیا 25 هەزاریان دەستنیشانکراون و ئەوانی دیکە نازانن نەخۆشییەکەیان هەیە، بەڵام لێشیانەوە دەگوازرێتەوە.
لەم بارەیەوە کۆمەڵەی لێکۆڵینەوەی نەخۆشییەکانی جگەر لە ئێران ئاشکرای دەکات، بەکارهێنانی دەرزی و کەرستەی پیسبوو بە خوێنی کەسانی تووشبوو راستەوخۆ ئەیدز و ڤایرۆسە درێژخایەنەکانی جگەر دەگوازێتەوە. هەر بۆیە کوتان دژی ڤایرۆسەکانی هەوکردنی جگەر پێشنیاز دەکات و هۆشداریش دەدات لە کردنی تاتوو لە شوێنی رێگەپێدراو و سەلامەت.
دەرمانێکی نوێ چارە و رێگری لە ئەیدز دەکات؛ تاقیکراوەتەوە و خەڵکی زۆری پێچاکبوونەتەوە (راپۆرتەکە ببینە).
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ