رووداو - تەندروستی
توێژینەوەیەکی زانکۆی بازل لە سویسرا دەریدەخات، تەواکەرە خۆراکییەکانی ڤیتامین دی و ئۆمێگا سێ تەمەنی بایۆلۆژی درێژدەکەن.
لە توێژینەوەکەدا دەرکەوتووە، رۆژانە بەکارهێنانی تەواوکەرە خۆراکییەکانی ڤیتامین دی و ئۆمێگا سێ هاوکات ئەنجامدانی وەرزشی رۆژانە لەگەڵی، تەمەنی بایۆلۆژی درێژدەکەن و بەرگری جەستەش بەهێز دەکەن.
د، بیشۆف فێراری سەرپەرشتیاری توێژینەوکە دەڵێت: خواردنی خۆراکی دەوڵەمەند بە ڤیتامین دی و ئۆمێگا سێ خاوبوونەوە لە تەمەنی بایۆلۆژی دەکەن و کاریگەری گەورەیان لەسەر تەندروستیی گشتی دەبێت.
د، بیشۆف فێراری دەشڵێت، دەبێت بەکارهێنانی ئەم تەواوکەرە خۆراکییانە لەژێر راوێژی پزیشکی پسپۆڕ بێت.
بە گوێرەی دەزگای خۆراک و دەرمان لە ئەمریکا، ڤیتامین D یەکێکە لەو ڤیتامینانەی کە لەناو چەوریدا دەتوێتەوە و زۆر گرنگە بۆ تەندروستی ئێسک و بەهێزبوونی کۆئەندامی بەرگریی جەستە هەروەها ئۆمێگا سێ یارمەتیدەرە لە کەمکردنەوەی هەوکردنەکان.
بە گوێرەی ئەم دەزگایە سەرچاوەکانی ڤیتامین دی و چەوریی ئۆمێگا 3 ئەمانەن؛
خۆراکی دەوڵەمەند بە ڤیتامین دی
هێلکە
ماسی
شیرەمەنییەکان
جگەر
برۆکلی
خۆراکی دەوڵەمەند بە چەوریی ئۆمێگا 3
گوێز
ماسی
لۆبیا
پاقلەی سۆیا
سپێناخ
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ