هەڵەیەک روویدا! دووبارە هەوڵبدە
رووداو - تەندروستی
لە هەرێمی کوردستان زیاتر لە سێ هەزار تووشبووی تالاسیمیا هەن، تووشبوویەک لە سلێمانی دەڵێت: کێشەی کواڵیتیی دەرمانەکانی تالاسیمیا هەیە و وەکو پێشووتر نەماوە.
ئەمڕۆ پێنجشەممە 8-5-2025 هاوکات لەگەڵ رۆژی جیهانیی پێشگیریکردن لە نەخۆشیی تالاسیمیا؛ چاوان عوبێد، تووشبوویەکی نەخۆشییەکەیە و دەڵێت: دەرمانەکانمان گرانن و بە ئەگەری زۆرەوە بەشی دوو هەفتە دەکات.
هەر ئەمڕۆ سروە عەلی، گوتەبێژی کۆمەڵەی تالاسیمیای کوردستان بە رووداوی راگەیاند، تەنیا لە هەولێر لە سەرەتای ئەمساڵەوە 12 بۆ 13 تووشبووی نوێی تالاسیمیا تۆمارکراون و تادێت ژمارەی تووشبووان بەرز دەبێتەوە.
سروە عەلی ئاشکرای کرد، بەشێکی زۆرینەی تووشبووانی تالاسیمیا نرخی دەرمانەکانیان مانگانە دەگاتە 500 هەزار دینار و ئێستاش بە خۆبەخشی دەرمانی ڤیتامینەکانیان بۆ دابین دەکرێت.
ئەوەشی پشتڕاست کردەوە، لە هەولێر نزیکەی 950 تووشبووی نەخۆشییەکە هەن کە بە ئاوارەکانیشەوە دەگاتە نزیکەی 1100 تووشبوو.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ