رووداو - تەندروستی
کۆمەڵەی پسپۆڕانی پێست لە کەنەدا ئاشکرای دەکات، خۆراکی دەوڵەمەند بە ریشاڵییەکان هۆکارن بۆ کەمکردنەوەی چرچولۆچیی پێست.
کۆمەڵەکە ئاماژە بەوە دەکات، خۆراکە ریشاڵییەکان دەوڵەمەندن بە کۆلاجین و نیشانەکانی پیربوون دوادەخەن.
کۆمەڵەکە ئەوەش پشتڕاستدەکاتەوە، خۆراکە ریشاڵییەکان بەتایبەت سەوزە و میوەکان وادەکەن کە چرچولۆچیی پێست کەمبێتەوە و هەمیشە پێست بە گەنجی بمێنێتەوە، چونکە مادەی کۆلاجینی پێست دەپارێزن و جیڕییەکەی دەهێڵنەوە.
لەم بارەیەوە د. ئەپریل سکاچڵ، پسپۆڕی پێست دەڵێت: سەوزە و میوەکان بڕێکی زۆر لە ئاویان تێدایە کە ئەوەش هۆکارێکە بۆ بەشێدارهێشتنەوەی پێست و کەمکردنەوەی چرچولۆچیی پێست.
بە گوێرەی کۆمەڵەی خۆراکی ئەمریکی، هەریەک لە خۆراکەکانی 'مریشک، شاتوو، سپێنەی هێلکە، سیر، پاقلەمەنییەکان و ماسی' دەوڵەمەندن بە کۆلاجین و هۆکارن بۆ بەگەنجی مانەوەی پێست.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ