هەڵەیەک روویدا! دووبارە هەوڵبدە
رووداو - تەندروستی
لێکۆڵینەوەیەک لە ئەمریکا مەترسیی خواردنەوە گازییە دایتەکان و شەربەتەکان دەردەخات و دەرکەوت، ئەگەری تووشبوون بە نەخۆشیی شەکرەی جۆری دوو زیاد دەکەن، تەنانەت ئەگەر دایتەکانیش بن.
لێکۆڵینەوەکە لەماوەی 30 ساڵدا کراوە و لە کۆنفرانسی ساڵانەی کۆمەڵەی خۆراک لە ئەمریکا پێشکێشکرا؛ دەریدەخات، ئەو کەسانەی خواردنەوە دایتەکان و شەربەتەکان دەخۆنەوە ئەگەری تووشبوونیان بە شەکرەی جۆری دوو، 2 ئەوەندە زیاترە لەچاو ئەوانەی خواردنەوە گازییەکان ناخۆنەوە یاخود بە دەگمەن دەیانخۆنەوە.
هێژینگ ژیا، سەرپەرشتاری لێکۆڵینەوە فراوانەکە کە لە زانکۆی مێنیستۆتای ئەمریکی کراوە و دەڵێت: ''ئەو قسانە هەڵەن کە خواردنەوە گازییە دایتەکان تەندروستن و پێویستە ئەوانیش بەشێوەی سنووردار بخورێنەوە''.
لە توێژینەوەکانی رابردوودا هەیە کە ساڵانە 330 هەزار کەس بەهۆی خواردنەوە گازییەکان و شەربەتە دەستکردەکانەوە بە نەخۆشیی شەکرە، جەڵتە و بەرزەپەستانی خوێن گیانلەدەستدەدەن.
لە بەرنامەیەکی دکتۆر ئاراس دا باسی خواردنەوە شەکردارەکان کراوە؛ ئەو لیمۆندۆزییەی لە کوردستان دەکرێتە نێو شەربەتی دەستکرد، چی لە گەدە و ریخۆڵەکان دەکات؟
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ