هەڵەیەک روویدا! دووبارە هەوڵبدە
کوێستان محەممەد، وەزیری کار و کاروباری کۆمەڵایەتی لە هەرێمی کوردستان. وێنە: رووداو
رووداو - تەندروستی
وەزیری کار و کاروباری کۆمەڵایەتی لە هەڤپەیڤینێکدا و لە بەشێکی قسەکانیدا تایبەت بە رووداو ئاشکرای دەکات، لە سەنتەرەکانی ئۆتیزم پێویستە دەرماڵەی مەترسی بۆ راهێنەر و مامۆستاکان ببڕدرێتەوە.
ئەمڕۆ شەممە 10-5-2025 کوێستان محەممەد، وەزیری کار و کاروباری کۆمەڵایەتی لە هەرێمی کوردستان لە هەڤپەیڤینێکی راستەوخۆدا لەگەڵ هیوا جەمال ئاماژە بە هەندێک شوێن دەکات و بە پێویستی دەزانێت کە دەرماڵەی مەترسیان بۆ ببڕدرێتەوە وەکو 'سەنتەرەکانی ئۆتیزم، خانەی بەساڵاچووان و ماڵەکانی داڵدەدانی ژنانی هەڕەشەلێکراو'.
کوێستان محەممەد روونی دەکاتەوە، دووجارە چاودێرانی منداڵی ئۆتیزم کە دووگیان بوون، منداڵیان لەدەستداوە بەهۆی ئەوەی لەلایەن منداڵە ئۆتیزمەکانەوە ئازار دراون.
کوێستان محەممەد دەڵێت: ''زیاتر لە 10 جارە نووسراوم کردووە بۆ ئەنجوومەنی وەزیران و وەزارەتی دارایی، بەڵام بەهۆی قەیرانی داراییەوە هیچی ناچێتە پێشەوە''.
ئەوەشی گوت، لە ماوەی شەش ساڵی رابردوودا فەرمانبەرێکی زۆری وەزارەتەکەی بەهۆی نەبوونی دەرماڵەی مەترسییەوە ویستویانە بگوازرێنەوە بۆ وەزارەتەکانی دیکە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ