هەڵەیەک روویدا! دووبارە هەوڵبدە
دکتۆر عەبدوڵڵا لوقمان - ژیریی دەستکردی ChatGPT
رووداو - تەندروستی
پزیشکێکی دەرمانساز و شارەزای بواری ژیریی دەستکرد رایدەگەیێنێت، ژیریی دەستکرد لە وەڵامدانەوەی پرسیارە زانستی و پزیشکییەکان هێشتا جێگەی پزیشک ناگرێتەوە و نابێت پشتی پێ ببەسترێت.
ئەمڕۆ سێشەممە 10-6-2025 دکتۆر عەبدوڵڵا لوقمان، دەرمانساز و شارەزای AI لە بووڵتەنی تەندروستیدا گوتی، بەشێکی کۆمپانیاکانی ژیریی دەستکرد لە وەڵام دانەوەی ژیرییەکەیان ئەوەیان داناوە کە بەکارهێنەران بۆ پشتڕاستکردنەوەی زانیارییەکان پشت بە سەرچاوەی باوەڕپێکراو ببەستن.
دکتۆر عەبدوڵڵا لوقمان دەڵێت: هاونیشتمانییانی ئاسایی باشترە ژیریی دەستکرد بۆ پرسە گشتییەکان بەکاربهێنێت، نەک بۆ دەستنیشانکردنی دەرمان و جۆری نەخۆشییەکە.
زەکەریا سەلمان، قۆناخی دووی کۆلێژی ئەندازیاری بوو لە زانکۆی سەڵاحەدین، کەسوکارەکەی دەڵێن، هەستی بە ئازارێک کردووە و راوێژی بە ژیریی دەستکرد AI کردووە، ئەویش دەرمانێکی بۆ پێشنیاز کردووە. دوای خواردنی دەرمانەکە، زەکەریا تەندروستیی تێکچووە و دوای چەند کاژێرێک گیانی لەدەستدا.
شاهۆ ئەمین وردەکاری، ورد و درشتی هۆکاری گیانلەدەستدانی ئەو کوڕەی دوای بەکارهێنانی ژیریی دەستکرد گیانی لەدەستدا ئاشکرا دەکات.
لە پۆدکاستی نەخۆشنامە بەم شێوەیە باسی ژیریی دەستکرد کرا لەبواری پزیشکی.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ