هەڵەیەک روویدا! دووبارە هەوڵبدە
د. دانا شێروانی - د. هونەر رێبوار
رووداو - تەندروستی
پۆدکاستی کلینیکاست بە درێژایی مانگی رەمەزان بەردەوامە و پسپۆڕێکی نەخۆشی و نەشتەرگەرییەکانی گورچیلە و میزەڕۆ رایدەگەیێنێت، لە مانگی رەمەزاندا بەهۆی کەمیی جووڵە و وشکبوونەوەی زیاتری جەستە، زیاتر دەردەکەوێت کە کەسێک بەردی هەیە، نەک راستەوخۆ رۆژووەکە هۆکار بێت بۆ ئەوە.
د. دانا شێروانی، پسپۆڕی نەخۆشی و نەشتەرگەرییەکانی گورچیلە و میزەڕۆ دەڵێت: لە هەرێمی کوردستان رێژەی تووشبووانی بەردی گورچیلە بەرزە، چونکە پلەی گەرمی و کەشی ناوچەکەمان بەرز و گەرمە. بۆیە زیاتر جەستە وشک دەبێتەوە و کەمیش ئاو دەخورێتەوە. پاشانیش خۆراکە سوێرەکان زیاتر دەخورێن و هەوادارێکی زۆر باشی گۆشتی سووریشین.
د. دانا شێروانی پێشنیاز دەکات، رێگەی سەرەکیی پێشگیریکردن لە دروستبوونی بەردی گورچیلە، خواردنەوە ئاوی پێویستی رۆژانەیە کە 2 لیتر بۆ 3 لیترە، واتە 12 بۆ 14 پەرداخ ئاو. تەنانەت دەڵێ، ''بۆ کەسانێک کە کاریان لە دەرەوە و بەرخۆرە یاخود زۆر ئارەقە دەکەنەوە، ئەوا دەبێت ئاوی زیاتر بخۆنەوە''.
لە کۆتاییشدا ئەوەی گوت کە هیچ خۆراکێک نییە ببێتە هۆی بەردی گورچیلە بەتایبەت سپێناخ و تەماتە، چونکە ئەگەر بە بڕێکی دیاریکراو و گونجاو بخورێن ئەوا ئاسایین و بگرە رێگریش لە دروستکردنی بەردی گورچیلە دەکەن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ