هەڵەیەک روویدا! دووبارە هەوڵبدە
رووداو - تەندروستی
پۆدکاستی نەخۆشنامەی ئەمجارە لەبارەی فیلەرە کە ئێستا بۆ مەبەستی جوانکاری بەکارهێنەرێکی زۆری هەیە و کچێکیش کردوویەتی و میوانی پۆدکاستەکەیە، بەڵام پسپۆڕان هەمیشە هۆشداری لەبارەیەوە دەدەن و پسپۆڕێک دەڵێت: ''مەترسیدارە و تەنیا لای کەسانی پسپۆڕدا بکرێت''.
پرژە جەمال، چارەخوازێکە جوانکاریی فیلەری بۆ کراوە و لە وەڵامێکیدا دەڵێت: ''مانگێگە فیلەرم کردووە و حەزم کرد گۆڕانکارییەک لە دەموچاومدا بکەم، بەپێی رێنمانییەکانی پزیشک، کردم''.
هەرچەندە ئەو ئەوەشی باس کرد، ویستوویەتی روومەتیشی فیلەر بکات، بەڵام بەگوێی پزیشکەکەی کردووە و تەنیا لێوی کردووە، دەڵێت: پزیشکەکەم گوتی کە روومەتم نایەوێت.
د. شنە عوسمان، پسپۆڕی نەخۆشییەکانی پێست و جوانکاری رایگەیاند، ئێستا پێوەرەکانی جوانکاری بەراورد بە ساڵانی رابردوو گۆڕاون و پشت بە خواستی چارەسەرخواز نابەستێت، بەڵکو پشت بە چەند پێوەرێک دەبەستێت کە هاوسەنگ بێت بۆ چارەخوازەکە و زەق نەبێت.
ئایا فیلەر تەنیا بۆ جوانکارییە؟ د. شنە عوسمان لە وەڵامدا دەڵێت، ''تەنیا بۆ جوانکاری نییە و بۆ چارەسەری چەند نەخۆشییەکیش بەکاردێت، خانمیش هەبووە کە پێویستی بە فیلەر نەبووە و رەتمان کردووەتەوە فیلەر بکات''.
لەکۆتاییدا ئەو هۆشداریییەشی دایە خانمانی دووگیان کە باشتر وایە لەماوەی دووگیانیدا فیلەر نەکەن، چونکە دەشێت ئەو جوانییە نەبەخشێت بەهۆی گۆڕانکارییە هۆرمۆنییەکان.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ